Cianties ladines: anter tradizion, inovazion y contaminazion
Prejentazion dl cd-dvd "CJANTÂ VILOTIS CON ANTONELLA RUGGIERO" en vender, ai 27 de merz, da les 6 da seira tl salf dla scola a Moena
Do l gran event musical che à sclut ju la publicazion te trei volums entitoleda "Il
canto popolare ladino nell’inchiesta “Das Volkslied in Österreich” (1904-1915), corpus
monumental de cianties popolares dles valedes Ladines, dl’auta Val de Non y dl Friul oriental,
prejenteia sen l Istitut Cultural Ladin l CD y DVD dl conzert dal vif che an à tegnù a Trent via per l
setember dl ann passé.
Al se trata de n projet ambizious che vuel valorisé y renové l’arpejon dla mujiga popolara sot a na
viesta daldut moderna. A Antonella Ruggiero y a sie staff artistich ti él vegnù dé su l aranjament y
l’interpretazion de n valgunes cianties toutes fora dal corpus dret sen publiché, ti metan apede per
l’ocajion n valgugn grups y musizisć ladins, trentins y furlans che se à dé ju en particolar con la
recuperazion “creativa” dla mujiga de tradizion popolara, viajan en liberté da les Alpes a
l’Adriatich, da l’Europa zentrala ai Balcans.
L obietif, segur arjont, é chel de mete a confront stii, esperienzes y sensibilités
desferentes, e ti dé l muet ai musizisć locai de laoré deberieda con na gran “pop star” che se à
arvejiné per la pruma outa con sie sentiment artistich a la ciantia ladina, y tl medem temp
strenje liams nuefs anter les comunités ladines y renforzé l prestije de nost lingaz te
anter les generazions joenes.
La prejentazion dl CD-DVD sarà en vender ai 27 de merz 2009 da les 6 domesdì,
tla Sala dles Scoles de Moena, olache la scontreda vegnirà viventeda dal intervent musical
dl ciantautor furlan Loris Vescovo compagné da Simone Serafini y da Leo Virgili.
