benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Ensnuet a Cianacei / Fascia
scrit ai 21 March 2009 da les 09:44:51 da noeles

Fascia

ENCRESCIADUM: n some y na lijenda

Prejentazion ensnuet da les 21.00 tl Teater Marmoleda a Cianacei - Fascia 

Image Hosting by PictureTrail.comL re “Laurin” dla Enrosadira, depent con na esprescion de ria vueia sun l cuertl dl cd, é un di personajes de “Encresciadum”, la produzion musicala nueva per ladin te chela che al vegn revijité con l uedl de nosc temps les lijendes dles Dolomites che veid i mic che se desfej y l'enrosadira che se sclauresc.
An podessa traduje "enchersciadum" con “nostalgia”, ma l term ne ti corespon nia deplen: encresciadum é plu n “dejider de arciaseda”, a ciasa o a temps passés, “encresciadum” vuel plutost dì valch che an se dejidreia y che an à mancia. Chesta nia-tria esistenziala dla persona ciafa na sia esprescion perfeta tl jazz, te n lingaz musical che à sies raijes tl blues, tles cianties di sclafs, che esprimeia l medem sentiment, sciche la “saudade” oben “l’encresciadum”. N lingaz che à dagnora sapù assimilé y se fé assimilé da les tradizions musicales olàche al é ruvé, che se mesceida empera, ma zenza se confone.



La produzion “Encresciadum” é nasciuda da na idea de Enrico Tommasini, musizist jazz y president dla assoziazion de cultura y de mujiga “La Grenz” de Moena. Al se trata de n projet che rapprejenteia na ocajion emportanta per l lingaz ladin, per se confronté con sonorités desvalives y per souravarié i confins, fajan cresce sie prestije, ma tamben per l jazz de pié do da les raijes culturales de n popul, desche al fova suzedù tl Brasil olàche l mescedament con i ritms y l lingaz dl luech à fat nasce la bossanova. L cd (partì fora da Caligola Records) spizola fora per sia originalié, ajache al svilupeia organicamenter n tema pro chel che tesc', significac y viesta musicala se lieia adum, dàn vita a na produzion de cualité auta.
L tema dl dejenciant, dl mit che se desfej, dl re Laurin oramai vedl y zenza ester plu d'utl, che ne pò fé nia auter che bradlé, dla natura che se rebeleia contra i strabac da pert dla persona, dl some do n mond olàche al rej la pesc y la armonia, proponù y svilupé ti tesc' da pert de Fabio Chiocchetti tres n dialogh decontin con les figures dla tradizion culturala y musicala ladina, à ciafé te Roberto Soggetti n componidour sensibel y entusiast de se mesuré con chisc motifs te na letura plu moderna.
L’interpretazion dles cianties vegn da la ousc de Silvia Donati, artista de origines bologneises, dassen lieda al Brasil y a sia mujiga. Ala desmostra na gran sensibelté y na pronunzia ladina con valch fustia dal portogheis. Ala é steda bona da ti dé dignité artistica internazionala al pice lingaz ladin dles Dolomites. Al ti sta permez Pietro Tonolo (sax), Roberto Rossi (trombon), Paolo Trettel (trumpet), Roberto Soggetti (piano), Marco Privato (double bass) y Enrico Tommasini (drums).
L cd é vegnù realisé tres l deidament dla Fondazion dla Cassa de Sparagn de Trent y Rorei y dl Comprensore Ladin de Fascia.
Prejentazion, sabeda 21 de merz, da les 21.00 – Conzert tl Teater Marmolada, Cianacei

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.409 seconc