benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Université Repartizion Ladina a Persenon: cursc 2009
scrit ai 31 January 2009 da les 12:59:05 da noeles

Cultura

Toponims ladins y scrive poejies per ladin

Cursc opzionai dla Repartizion ladina tl semester da d’isté 2009 

Ence tl semester da isté 2009 pieta la Repartizion Ladina dla Facolté de Scienzes dla Formazion dla Université Ledia da Bulsan cursc opzionai, che pò vegnì frecuentés da interessés desche “student ghest”. Ai maestri ti végnel reconesciù i cursc sciche formazion tla mesura de 10 ores l un.

Gramatica storica dl ladin dles Dolomites: la toponomastica (Codesc 13024)
La toponomastica y la onomastica, i inoms de posć y de persona, é un di ciamps dla linguistica che interesseia de plu la jent, él pu duc che volessa savei cie che sie cognom vuel dì, o savei ciodì che an ti dij a n post avisa enscì y nia autramenter.
Toponomastica y onomastica ladina, souraldut chela che vegn dant ti documenc plu vedli, sarà l argoment dl curs facoltatif de 30 ores che vegnirà tegnì dal dr. Lois Craffonara tla Repartizion ladina, tres de venders da les 14.00-16.00 con scomenciament ai 6 de merz. Chest é l program menù:

I. Introduzion generala
06.03.09: Prejentazion dl curs y bibliografia essenziala
13.03.09: Toponomastica y storia
20.03.09: Toponomastica y gramatica storica
27.03.09: Pronunzia locala y trascrizion di toponims
03.04.09: Fac geografics y/o storics entourn l toponim via
17.04.09: Atestazion ti documenc y sostituzion de sonns
24.04.09: Spligazion etimologica y prova reala
II. Localisazion y spligazion etimologica de toponims te de vedles descrizions de confins
Chesta pert tolarà ite les set ores doples di: 08.05.09; 15.05.09; 22.05.09; 29.05.09; 04.06.09; 05.06.09. III. Cie che n ladinist s’aodass da trueps studiés dla toponomastica de nosc raions
Argoment dles does ores finales di 11.06.09 y di 12.06.09.

Scrive poetich per ladin
Al é n grumon de ocajions, olache al passeneia ite na bela poesia o na bela storia. Mo scrive enstesc na poesia o na storia? Nia tant saurì! N valgugn conseis vegn pités tl curs de scrive poetich per ladin dla dr. Rut Bernardi, ela enstessa una dles autoures ladines modernes plu produtives de chisc ultims agn. L curs de 30 ores, con truepa pratica y trueps ejempli, vegn tegnì tres de venders da les 16.00-18.00 y met ence man ai 6 de merz. Al preveid chest program :
06.03.09: La rejoneda da vigni di – la rujeneda poetica: valch d’auter?
13.03.09: Cie emportanza à pa i sonns tl scrive leterar ? Juesc de paroles
20.03.09: Les rimes finales
27.03.09: Les rimes tles strofes
03.04.09: La mesura di fersli o la batuda / ritm
17.04.09: Les formes di fersli
24.04.09: Les formes dles strofes y l ritm
08.05.09: Co laoré con confronc, metafores y metonimies
15.05.09: Co adoré les figures retoriches
22.05.09: Scrive enstesc lirica: cianties y balades
29.05.09: Scrive enstesc lirica: la romanza y la poesia d’ensegnament
04.06.09: Scrive enstesc epica: la contia, l roman
05.06.09: Scrive enstesc epica: la novela
11.06.09: Scrive enstesc dramatica: la comedia
12.06.09: Scrive enstesc dramatica: l juech auditif.
Informazions emportantes: dutes les lezions vegnirà tegnudes a Persenon tla Facolté de Scienzes dla Formazion (streda Stazion 16). Duc pò se scrive ite, al ne vegn nia damané la matura. Informazions plu menudes soura les condizions d’iscrizion é da giaté tl secretariat di studenc dla Facolté de Scienzes dla Formazion (0472/012200); i formulars pò ence vegnì desćiariés dal internet (http://www.unibz.it/web4archiv/objects/pdf/standard/2008_f_gasthoerer_beidesitze_neu_ohnematura.pdf ).
Per i cursc él da paié ite 50,00 € l’un. Chesta é na tarifa particolarmenter bassa, aproveda dal Consei dla Université Ledia de Bulsan sciche mesura de sostegn aposta per l grup linguistich ladin.
Informazions plu avisa sun vigni curs sciche ence sun i termins pòn ciafé dal prof. Paul Videsott (paul.videsott@unibz.it). L ultim termin per se scrive ite è i 4 de merz 2009.

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 4.33
Oujes: 6


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.347 seconc