benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Ujöp Freinademetz - sant
scrit ai 07 March 2003 da les 19:17:05 da noeles

Persones

 

Ujöp Freinademetz sant, ence l assessour Mussner lascia audì sia contenteza

Sciche fi de sia tera ladina y patria tiroleisa, à Ujöp Freinademetz lascé sia tera y sie paisc nadel per ne vegnì mai plu zeruch. Al ti é ju do a sia cherdeda, à encundè la bona noela y à giatè na seconda patria tla Cina. Al n’à mai volù i jì permez a la jent sciche un ch’é miour che i autri, ma l’à fat con gran respet dla cultura y dla jent dl post. Al à emparè l lingaz cineis y n’à nia volù ti sforzé su la cultura europeica a n popul asiatich, al s’à sforzè da capì i cineisc, tant da se dejidré de "ester n cineis sun paravisc". Ujöp Freinademetz vegnirà declaré sant ai 5 de otober 2003 a Roma.

 



L’assessour ladin se declareia reconescent ti confronc de duc chi ch’à abù mirit per sia beatificazion empruma y santificazion dedo, danter ei ence l preve sig. Heinrich Videsott, mort dant puec agn, enstes n gran veneradour dl beat Ujöp.

Trueps, sce nia duc i ladins, à n raport con sie te puech temp sant ladin, na persona de gran umilté y ejempl per duc. La gliejia y ciasa de nasciuda a Oies é vegnus n post de priera y de sostegn spiritual chirì su da trueps pelegrins da truepes pertes dl mond

N messaje ch’al pò nes lascè te chest moment podessa ester propi chel de i dè plu conscidrazion a la jent de d’autri paisc che chier su  ence nosc raions per laurè y per vive. "Él pa n caje che la scola elementara de San Linert à tout su - en chest ann de sia santificazion - propi n mut cineis te sia 4. classa", scluj ju l’assessour Mussner.

Fontana: Ofize stampa provinzial.


 


 
Liams emparentés
· Deplú sun l tema Persones
· Chier te noeles


L articul plu liet te chest tema Persones:
Laudatio per dr. Paul Videsott


Valutazion dl articul
Cumpeida mesana de oujes: 1
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Ujöp Freinademetz - sant (ponc: 1)
da Dolasila ai 08 March 2003 da les 09:09:43
(Infos sun l utilisadour | Ti mané n messaje privat)
almanco i sanc dess la politica lascé n pêsc. respet almanco por i sanc!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.348 seconc