benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Ciunes sarà pa les paroles dl ann 2008
scrit ai 02 December 2008 da les 15:28:14 da noeles

Desvalives

An chier les paroles dl ann 2008

Al vegn tout su les propostes tles biblioteches y ti ponc de abineda

Per l cuart iade vegn i Ladins y la jent de Südtirol damaneda da fé propostes te un di trei lingac dla provinzia per la “parola” y la “parolata” dl ann.
Per l prum iade pón mané ite propostes nia demé per posta o e-mail ma àn pó ence les dé ju te posć de recoiuda organisés.



Cie paroles à pa gaujé plu discuscions y fat rejoné la popolazion tl ann 2008 tla Ladinia y tla provinzia da Bulsan ? Y cie paroles ne é pa nia tant garatedes, « parolates », che ne passeneia nia, che prova da abelì, da ascone la realté o che ne porta nia respet a les persones? Cie parola ti tolarà pa l post a les paroles dl 2007 “Mandatsbeschränkung”, “casa clima” y “Unité ladina”? Y cie una sarà pa la “parolata” nueva empede “Vertragsurbanistik”, “tassa sul nonno” y “Dolomites cinejes”?
 
L’Université Ledia de Bulsan, l Istitut per Comunicazion Spezialistica y Plurilinguism dla EURAC, l post linguistich dl Istitut cultural de Südtirol, con laprò da chest ann ence la Biblioteca provinziala Dr. Friedrich Teßmann, ves envieia duc a se fé pensiers soura l lingaz te nost raion. Al sarà spo n grup de spezialisć che chirirà fora de jené 2009 anter dutes les propostes, les “paroles” y “parolates” plu interessantes.
 
Les propostes pó vegnì manedes ite te duc trei i lingac fina ai 31 de dezember 08 a la miscion
 
sprache@kulturinstitut.org
 
o a
 
Südtiroler Kulturinstitut
Schlernstraße 1
39100 Bulsan/Bolzano/Bozen
 
Les propostes pó ence vegnì dedes ju ti ponc de recoiuda organisés:
 
-         la mostra “ Herzliche Grüße – Deutsch entdecken” (dai 5 fina ai 20 de dezember tla Scola da paur de Dietenheim)
-         la biblioteca Provinziala Dr. Friedrich Teßmann, Bulsan
-         la biblioteca universitara a Bulsan y Persenon
-         l Istitut cultural de Südtirol, Bulsan
-         EURAC, Bulsan
-         Dutes les maioures biblioteches de Südtirol

 
 

 
Liams emparentés
· Deplú sun l tema Desvalives
· Chier te noeles


L articul plu liet te chest tema Desvalives:
Aiut Alpin Dolomites: sajon da d'isté dant porta


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.418 seconc