benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Referedars da suramont enconta raprejentanc europeics
scrit ai 21 November 2008 da les 15:13:07 da noeles

Politica

I comuns referendars chier aiut ence a livel europeich

I Ladins rejona dant l Intergrup per les mendranzes tradizionales dl Parlament Europeich 


Image Hosting by PictureTrail.comNa delegazion de Ladins dl Südtirol y de Souramont (Fodom, Col y Anpezo) à vijité ai 20 de november 2008 l Grup interfrazional per les mendranzes tradizionales dl Parlament Europeich per ti prejenté y splighé les aspirazions de reunificazion con l Südtirol che i trei comuns ladins dla provinzia de Belun à. A la fin d’otober 2007 à i trei comuns de Anpezo, Col S. Luzia y Fodom, che é dl 1923 vegnus destachés dal Südtirol y sourandés a la region Venet, declaré te na maniera clera tres n referendum davagné con prest 80 % dles oujes de volei endò vegnì reunifichés con la provinzia autonoma de Bulsan/Südtirol. Foto, da man ciancia: Nani Pellegrini, Sepp Kusstatscher (euro-parlamentar di Verc), Paul Videsott, Siro Bigontina, Csaba Tabajdi (President dl Intercomité per les mendranzes tradizionales dl Parlament Euroepich / Ungheria / Sozialdemoctrac), Michl Ebner (member dl Parlament Euroepich dl Südtirol / Co- President dl Intercomité per les mendranzes tradizionales dl Parlament Europeich / Partit Popolar)m Christoph Pan (diretour dl Südtiroler Volksgruppeninstitut), Sógor Csaba (member dl Parlament Euroepich / Ungareisc tla Romania / Partit Popolar), Daniela Templari y Elsa Zardini.



Te chisc trei comuns, che à perdù dal 1971 inant prest 1/3 de sia popolazion, vìvel al didancuei ca. 8.000 persones, de cheles che demé plu ca. l mez (40% t’Anpezo y 90% ta Fodom) rejona ladin. Chisc ladins à assolutamenter debojegn dla sconanza dles mendranzes preveduda y garantida tla provinzia da Bulsan, na sconanza, che ti é vegnuda nieda da 85 agn encà, da canche i trei comuns é passés al Venet. Tla Talia él la poscibelté de mudé confins aministratifs (art. 132 dla costituzion dl 2001), ma l iter prevedù é dret rie. Da l'autra pert él la Convenzion cheder dl Consei d’Europa per la sconanza dles mendranzes nazionales (art. 16) y la Cherta Europeica per i lingac regionai o de mendranza (art. 7 prum coma let. b) che ti recomana ai Stac firmatars, pro chi che al auda ence la Talia, de tré i confins aministratifs te na maniera che ai respete i debojegns dles mendranzes dailò residentes.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 5


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Referedars da suramont enconta raprejentanc europeics (ponc: 1)
da medo ai 22 November 2008 da les 10:31:17
(Infos sun l utilisadour | Ti mané n messaje privat)
La forza dal Europa á da gni anüzada de vigne vers!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.358 seconc