benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La renunzia a la vize-presidenza ladina tl consei provinzial de Bulsan
scrit ai 18 November 2008 da les 17:51:58 da noeles

Politica

Degun ladin desche vize-president dl consei

Ajache al ne é nia 2 raprejentanc ladins - Les conseguenzes dassen negatives dl resultat lital tles valedes ladines de Badia y Gherdeina 


Image Hosting by PictureTrail.comEncuei onse abù la pruma desmostrazion dles conseguenzes dassen negatives dles litazions tles valedes ladines. Florian Mussner à renunzié a la enciaria de vize-presidenza dl consei che ti speta a n ladin. N secont raprejentant ladin tl consei ne él nia, sceben che n ladin essa l dert de corì chesta enciaria. A Mussner ti vegniràl plu dessegur endò sourandé l assessorat ai laours publics y scola y cultura ladina. Sciche president él vegnù lité, con apeina 20 oujes sun 35, Dieter Steger (Svp) y provisoriamenter Barbara Repetto (PD) con la maioranza minima de 18 oujes desche vize-presidenta taliana. Bele al scomenciament dla legislatura, pro la pruma senteda dl consei, veiden enscì che la vela de n secont raprejentant (de Ladins Dolomites) essa podù jié na funzion zentrala de aodla pro la stadiera politica, ti dan gran visibelté a la mendranza ladina, eventualmenter ence stan da la pert dla Svp che essa abù demé 17 scagns tl consei, empede 18 da sen che ti assegureia na maioranza dret angosta de 1 n scagn.



I desvantajes de na sotraprejentanza ladina tl consei ne se ruva nia chilò. Te n grum de autres comiscions manciaràl enscì tamben n raprejentant ladin (p.ej. comiscions legislatives). L pont "na maiour raprejentanza" tles enciaries autes y tles comiscions fova un di ponc programatics plu emportanc de Ladins Dolomites, ajache sun na popolazion declareda ladina de entourn a 20.000 persones ti spetàssel zenzauter n secont raprejentant tl consei. I litadours ladins de Badia y de Gherdeina ne à endere nia vedù ite la emportanza y ti à out l spinel a chesta prospetiva. Da enjonté él ence che 2 raprejentanc ladins lités tl consei essa volù dì na raprejentanza de dert tla jonta y nia de plajei desche al é con la enciaria a Mussner.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: La renunzia a la vize-presidenza ladina tl consei provinzial de Bulsan (ponc: 1)
da marco ai 18 November 2008 da les 19:36:50
(Infos sun l utilisadour | Ti mané n messaje privat)
I litadusc ladins á albü tles mans la poscibilité da meter en secundo ladin a Balsan mo la maioranza de ei á dit che ön é assá. La gran tema da perde val contribut é stada maiú co la ghiranza de na iüsta raprejentanza politica. Con dui raprejentanc ladins es albü nosta mendranza döt en ater peis, mo cösc é ste püc co á (orü) capí. La maiú pert de nosta jont ciara püch a ci co sozed fora de nostes valades!



Re: La renunzia a la vize-presidenza ladina tl consei provinzial de Bulsan (ponc: 1)
da Claudio ai 18 November 2008 da les 22:25:27
(Infos sun l utilisadour | Ti mané n messaje privat)
L fat che Mussner à renunzié a la vize-presidenza ladina (ajache al ruva te jonta) ne fova nience n argoment tla tv ladina ensnuet.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.359 seconc