benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites provinziales 2008: LADINS DOLOMITES
scrit ai 18 October 2008 da les 12:34:24 da noeles

Politica

Adum pòn nes defene, despartis no

Sce les 5 valedes ladines chier la unité, spo pòles davagné, la soula lita pò demé ester "LADINS DOLOMITES"


de Berto Videsott

Al mancia demé plu na edema a les lites di 26 de otober, sce ales ne vegn nia sburledes ai 9 de november per gauja dl recurs dl UDC a Trent. Al ti resta enscì puec dis a la propaganda per i partis, che é steda en general monejela y zenza de gran splundrons. An à l’imprescion che an ne ae nia volù se ofene un con l auter anter i partis. Chest é dessegur n valour positif, segn de na majera maturité zivila y de democrazia politica. Per cie che reverda i argomenc tratés à soné la SVP y la lista di Verc la medema ciampana mostran su sie vedl program. (I autri partis talians o todesc ne nes interesseia nia).

 



La novité, souraldut tl ambit ladin, en particolar tl mond interladin, vegn da “Ladins Dolomites” y plu avisa da chel setour dla lista “Ladins Dolomites” che se à batù concretamenter daidan i ladins da Souramont pro sie referendum. L auter setour de “Ladins Dolomites” à dé sie sostegn moral zenza s’engajé de facto desche an à fat na pert dla Val Badia. Chest mess vegnì reconosciù. Ence te sia propaganda litala veiden che l'ala badiota fej tres referiment ai ladins da Souramont, che ei crei efetivamenter tla unité di ladins y che ei vuel ester unis ai Ladins da Souramont ence aministrativamenter i daidan a ruvé te nosta region. Sun chesta chestion da pert dla Svp y da pert di Verc degun impegn, demé valch parola folcloristica, valch mez slogan. Volei a vigni moda la reunificazion de duc i ladins tla medema region é la cherta de davagn pro chestes lites. Al é l segn de na dreta outa, de na dreta prospetiva politica tl futur. Al vuel ester n segn sterch per la provinzia, per la region y l Stat che i ladins dles Dolomites vuel ester unis. Te chest vers ne dà la SVP y i Verc degun segnal. I esponenc dla SVP ne vuel nience audì rejonan dl problem. Al é demé fum ti uedli avei cherdé ite propi i dis passés la Lia di Comuns Ladins per traté de colaborazion economich-turistica y culturala zenza nience nominé la unité di ladins. Dutes les persones che crei te n futur ladin, te na mendranza ladina finalmenter unida y te sia dreta raprejentanza politica dess perchel lité “Ladins Dolomites”, na forza politica nueva y modereda, dessegur daverta a la colaborazion con la SVP y souraldut coscienta de na politica dantaldut ladina baseda sun i derc a la pèr y no demé sun les scincondes.
Sce an pensa al gran aveniment dl referendum da Souramont y a l’emportanza de na Ladinia unida spo él propi demarevueia che l “clerus” ladin ne dije nia sia minonga, ne tole nia posizion sun la chestion. An dess recordé che enfin al 1964 fajova pert chi de Souramont dla diozeja de Persenon y che ei é vegnus despartis da nosta diozesa zenza nience vegnì damanés. Na dezijion touta con forza dai talians, che i volova tò demez da la “influenza” di todesc, y ence per volonté di todesc che volova na diozeja confinanta, limiteda ai confins dl Sudtirol. (Tles diozejes de Verona y de Brescia él cotantes cures che toma dutaorela tl’autra provinzia. A Bulsan ne podova chest nia plu suzede). I savon tant che i ampezans y fodoms deberieda con si prevesc à protesté, tant che l vescul Gargitter é ju via a splighé l’ordinanza y achirté via les eghes de rebelion. Ne fossa pa l moment dles lites nia na ocajion per desmostré a chi da Souramont che l “clerus” é a una de i volei da nuef tla diozeja de Persenon-Bulsan? L’unité di ladins é dessegur n fatour de salveza dla mendranza per l davegnì Ala ne se trata nia de fé politica, ma de amour y de solidarieté a nosta jent. I ejempli biblics é cotanc, souraldut da pert de valgugn profec. Geremia y Esechiel à tres envié la popolazion ebraica a ester unida, dijan, per ejempl, sce an conscidereia les dinasties dla popolazion demé da se enstesses, spo pòles ence vegnì toutes ite da popolazions forestes, ma sce ales tegn adum, spo éles bones de se defene. Concretamenter dijòvei i profec: sce an tol ca n ram alaouta, valeda per valeda, spo ésen bogn de l rompì, de tò ite la val, ma sce an tol ca cinch rams alaouta, spo n’ésen pia plu bogn de i rompì. N ensegnament scempl y concret che vel per nostes valedes. Adum pòles se defene, singolarmenter, no. La unité di ladins é dantaldut n valour moral y no demé na chestion politica.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.25
Oujes: 8


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Lites provinziales 2008: LADINS DOLOMITES (ponc: 1)
da marco ai 19 October 2008 da les 10:57:33
(Infos sun l utilisadour | Ti mané n messaje privat)
Iu sun a öna con cösc articul.
I raprejentanc politics ladins de düc i movimonc mess porté ennant la cuestiun dla reunificaziun. Co fesc pa certa jont da baié de Euregio Tirol, can che i ladins co fajea pert dal Tirol é ciamó despartís? E´i ladins l´unica mendranza al monn co se desmoncia de söes raisc y ô romagne spidiciada sö te 2 regiuns y 3 provinzies?
Ô i raprejentanc dles atres mendranzes y ince val raprejentant politich ladin che i ladins romagnes debli? Se tem cösta jont da na Ladinia unida?
Probabilmonter ben!!



Re: Lites provinziales 2008: LADINS DOLOMITES (ponc: 1)
da marco ai 19 October 2008 da les 12:35:17
(Infos sun l utilisadour | Ti mané n messaje privat)
Al é rio da splighé le gran chit dal "clerus" ladin
por ci co reverda la reunificaziun. Le lingaz dla oma n´à degüna lerch tla liturgia delá da Ciaolunch y Falzares y la diozeja de BL fesc les dötes por to demez i ultimi liams y les tradiziuns co recorda ciamó al tomp che Fodomi y Ampezagn êa con Porsenú. Sce al gness ince fat en referendum por baraté diozeja arati che la gran maioranza foss a öna.
Sce la dlijia ne foss nia massa liada a les cuestiuns politiches de cösc monn messass era respeté finalmonter la orenté sonziera dla jont. Te cösc cajo n´à le "clerus" soradöt chel ladin nia oredla y se desmoncia dla storia passada adöm.....


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.372 seconc