benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Prejentazion de LADINS DOLOMITES a Santa Cristina encuei
scrit ai 07 September 2008 da les 10:20:41 da noeles

Politica

LADINS DOLOMITES: prejentazion amez i colours ladins

I ladins é sotraprejentés tl consei da Bulsan, i numeri ne ment nia y an ne i pò nia loghené

Image Hosting by PictureTrail.com
En sabeda ai 6 de setember s’à i candidac dla lista Ladins Dolomites prejenté ufizialmenter sun Mont de Pana a Santa Cristina/Gherdeina. La natura con si colours, l vert di pres, l blanch dles Dolomites y l brum dl ciel, à fat da culissa a n moment che i podon zenzauter definì storich. I candidac de piza Ica Goller y Pepi Dejaco à rejoné di ponc plu emportanc dl program y à sotrissé les rejons dl liam dles listes Jent Ladina Dolomites y Ladins. Al é n liam che simboliseia la volonté de unité y de laoré deberieda per l ben di ladins y de Südtirol. Ladins Dolomites é na lista interladina con reprejentanc da dutes les valedes entourn al Sela, na lista ladina tl cuer y tl'anima.

 



Chisc é i candidac che se à prejenté sun Mont de Pana sot al simbol "LADINS DOLOMITES":

1) Dr. GOLLER KOSTNER ULRIKE (ICA) Persenon/Runcadic
2) DEJACO FRANCESCO (PEPI) San Martin de Tor
3) Dr. AGREITER HUBERT La Val
4) AVESANI RAINER Urtijëi
5) BERTUOLO PRINOTH CLAUDIA Sëlva
6) Dr. BRANDLECHNER DAVIDE La Pli de Mareo
7) BROLL MAURIZIO Urtijëi
8) Dr. CASTLUNGER CHRISTINE Al Plan de Mareo
9) COMPLOI HUBERT Persenon
10) COSTAMOLING WILLI Corvara
11) Dr. CRAZZOLARA GERTRUD San Ćiascian
12) Dr. GROßRUBATSCHER RAIMUND Urtijëi
13) DAPOZ EDITH Badia
14) Dr. DE BERTOL RICCARDO Balsan (Fascia)
15) DEMETZ HEINRICH (ADI) Urtijëi
16) DONÈ FRANCO Balsan (Fodom)
17) FIUNG FRANZ La Pli de Mareo, Longega
18) FLÖSS HELGA La Ila
19) KASSLATTER WALTER Runcadic
20) KOSTNER RUDI Urtijëi
21) Dr. LEZUO IVAN Balsan (Fodom)
22) MUSSNER MILVA Sëlva
23) Dr. PARDELLER CHRISTA Deutschnofen
24) Ing. PESCOLLDERUNG EGON Al Plan de Mareo
25) PICCOLRUAZ PAUL Badia
26) Dr. PIZZININI ALBERT La Ila
27) Dr. PIZZININI MARCO Al Plan de Mareo
28) Dr. PLANCKER LUKAS Sëlva
29) SENONER LIVIO S.Cristina
30) SORATROI FLAVIO Uttenheim (La Pli de Fodom)
31) TAVELLA PHILIPP La Val
32) TREBO HANS Al Plan de Mareo
33) Dr. VIDESOTT PAUL Al Plan de Mareo

Aldò dl program él 32 de bogn motifs per lité Ladins Dolomites: na dreta democrazia ti pieta ai litadours de bones alternatives. Ma cie che conta ciamò cotant deplù é sia sotraprejentanza tl consei provinzial de Bulsan aladò dl proproz, na descriminazion scraienta. Duc i autri partis mouj demé les oujes ladines.


I ladins é sotraprejentés – i numeri ne ment nia
L fin prinzipal dla Lista “LADINS DOLOMITES” pro les lites 2008 é chel de lité n secont ladin tl consei provinzial a Bulsan. Con demé un n ladin, sciche sen, é la popolazion ladina de nosta provinzia assolutamenter sotraprejenteda. Al basta ti cialé ai numeri – y chi ne ment nia.
I Todesc a Roma….
I Todesc dla provinzia de Bulsan (290.774 aladò dla cumpeida dla jent 2001) fej fora l 0,49 % dla popolazion dla Talia (59.131.287 abitanc). Tl Parlament talian (945 membri anter Ciamena y Senat) ései endere raprejentés da 5 parlamentars che fej fora l 0,53 % di deputés.
La desferenzia é positiva: 0,04 te numeri assoluc o de +8,2 tla percentuala. Y chesta situazion é permò da chest ann enscì: tl Parlament da denant fòvel 7 parlamentars SVP = 0,74 %, tant che na souraraprejentanza de 0,25 te numeri assoluc o de +51 tla percentuala! Ma empò ne ti à la politica taliana mai dit ai Sudtiroleisc todesc: i messeis/podeis lité demé un n raprejentant. Y i todesc ne à nience – y con rejon! – zedù da damané competenzes y derc nuefs da Roma. Ciodì ne podess pa i Ladins nia fé l medem con Bulsan? … y i Ladins a Bulsan I Ladins tla provinzia da Bulsan é 18.124 (cumpeida dla jent 2001) y fej fora l 4,36 % dla popolazion. Tl Consei provinzial ései endere demé raprejentés da 1 n aconsiadour, y perchel tla mesura dl 2,86 %. Chilò é la desferenzia negativa, y nia de puech! -1,5 te numeri assoluc y ben -34 % tla percentuala!! Empede na raprejentanza positiva sciche i Sudtiroleisc todesc tl parlament talian (n Ladin de Südtirol ne à ciamò mai podù jì a Roma), é i Ladins, l mender grup, ciamò penalisés sourafora tl consei provinzial a Bulsan!!! Doi aconsiadours ne é perchel nia n privilegh, ma n dert di Ladins!
I Ladins tla SVP…
Ciamò plu eclatanta é la desferenzia, sce i tolon ca demé i candidac dla lista SVP, che à te sie statut de ester l partit di todesc y di ladins. Davia che sun la lista SVP candideiel demé Todesc y Ladins, ma degugn Talians, ne fej i 18.124 Ladins de Südtirol nia fora demé l 4,36 %, ma ben l 5,87 % dla popolazion che la SVP dij de raprejenté. Empò à i Ladins sun la lista SVP demé un n candidat: sun la lista dla SVP é perchel i Ladins ciamò plu sotraprejentés che tl Consei provinzial! La rejon é scempla: l candidat ladin sun la lista SVP mess se confronté con les preferenzes di candidac todesc. Y davia che i litadours todesc é cotanc deplù, à i candidac todesc ence plu preferenzes a desposizion. Sun la lista SVP adora (y ciafa) n candidat ladin ence les oujes di todesc, per ruvé te Consei. Ma perchel méssel ence fé la medema propaganda che ei, y spene n grumon de scioldi demé per chel, y al mess ester soul sciche candidat. La conseguenza: a Bulsan podéssel ester demé un n Ladin … deache sun la lista dla SVP vàla demé da nen lité un?!
… y sun les autres listes
I tolon demé ca l ejempl dla SVP, davia che sun les autres listes todesces y talianes che candideia per l Consei provinzial ne él fin a sen ciamò mai vegnù lité n Ladin, nience sun la lista di Verc, che ova pro les ultimes lites enfinamai n ladin capolista… chilò ti pòrten veramenter demé oujes ai Talians y ai Todesc
... Na lista ladina autonoma
Sun na lista ladina autonoma pòn ti dé dutes les preferenzes a Ladins. Na lista ladina autonoma con lassoura candidac de dutes les idees politiches (souraldut SVP y Ladins Dolomites, che é i doi movimenc plu stersc tla Ladinia) essa saurì i numeri per mete ite 2 raprejentanc te Consei (y zenza messei spene cenc mile de Euro per la propaganda). Enfin a che ala ne é nia tant inant, envionse i Ladins da lité a na maniera che al ruve ite doi candidac almanco sun listes desvalives. Y dal moment che i candidac ladins sun les autres listes à a desposizion ence les preferenzes di todesc y di talians, TI DAMANONSE AI LADINS DE LITÉ LADIN: “LADINS DOLOMITES”.
Les does miscions internet: www.jentladina.org www.ladins.biz

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 6


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.379 seconc