benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

UAL-JLD - enconteda a Cianacei
scrit ai 01 September 2008 da les 21:57:34 da noeles

Politica

En mercui a Cianacei: programs y idees per unì i ladins

Chest mercui da les 18.00 enconteda moviment "Jent Ladina Dolomites" con la UAL

En chest mercui, ai 3 de setember, da les sies da seira, te Ciasa de Comun da Cianacei, vegniràl tegnù na reunion de "Jent Ladina Dolomites", organism politich pan-ladin refondé a Corvara ai 28 de auril en chesta outa, sun les pedies dl moviment  metù su do la seconda Vera mondiala da Sisto Ghedina, Sisto de Bigontina y Guido Jori Rocia, protagonist dla manifestazion storica che ai 14 de messel dl 1946 à abiné adum 3000 ladins sun l Jouf de Sela per revendiché unité y destin comun per duc i Ladins dles Dolomites.

 



L moviment "Jent Ladina Dolomites" é nasciù sot a la spenta unitarista porteda inant da la assoziazion "Amisc dla Ladinia" a sostegn dl referendum endrezé via dai ladins de Ampez, Col y  Fodom y che ai 28 y 29 de otober dl 2007 à vedù l 79 % dla popolazion de cheles valedes declaré foraldret sia volonté de se reunifiché ai autri ladins tla Region Trentin-Sudtirol, "Jent ladina Dolomites" à bele sotescrit na acordanza litala con la "Lista Ladins" per mete su na lista ladina unitara en ocajion dles litazions provinziales te la provinzia de Bulsan, con chela de arjonje na dreta raprejentanza a la popolazion ladina te Sudtirol.

L'Union Autonomista Ladina, che con si raprejentanc à tout pert a la refondazion dl moviment politich pan-ladin, se met dant - anter l auter - de rejoné fora con i esponenc dles autres valedes ladines programs y idees per na politica de unificazion anter i Ladins dles Dolomites, y per mete en pé concretamenter strumenc de colaborazion y de organisazion.

A la scontreda végnel envié ence i raprejentanc dl'Union di Ladins de Fascia, i ombolc y i aministradours de comun, y duc chi che à enteres a tò pert y che podarà dé sie contribut a la discuscion.










 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.427 seconc