benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Wilhelm Egger: n vescul democratich, ascort y valent
scrit ai 19 August 2008 da les 22:25:35 da noeles

Persones

 

Can pa endò n vescul tant amich di ladins?

Wilhelm Egger

Tant grana é steda la sperduda y la mueia per la mort dl vescul Wilhelm Egger che al me parova imposcibel de creie y de messei scrive valch sun sia personalité. Na persona dassen sensibla ti confronc di grups etnics prejenc tla region. N studious de Bibla che sentiva l debujegn de giustizia y dl tratament unfat de duc i zitadins. Con l vescul Egger é vegnus i ladins reconescius desche grup etnich desvalif da chel todesch y talian.

L vescul Wilhelm Egger deberieda al Papa en gaujion de sia vijita chest ann.

 



Al i á traté a la per de chisc autri doi grups. Sie respet envers i ladins, de sie lingaz, veiden ence da sia volonté concreta de partezipant a n curs de ladin, da sia prejenza con paroles ladines pro la enaodazion dla senta nueva dl Istitut cultural ladin a San Martin de Tor. De sia autorité àl dé pro a l'introduzion de libri liturgics per ladin, tla verscion dla val Badia y te chela de Gherdeina. A una con les Messes per ladin, sceben che al mance dutaorela l'autorisazion de Roma, da pert dl Vatican. Ence i tesc' bele en funzion per la liturgia ladina é demé na conzescion-scinconda de sia bonté. Ence sie liber per todesch : “Sonntagsbibel” é vegnù metù ju per ladin-gherdeina. Beles sies paroles dantfora al liber “Bibla - Nuef Testament”, dé fora dal Istitut cultural ladin y metù ju per ladin-gherdeina da sn. Cristl Moroder: “Idie adrova la rujeneda dla jent per mustré chi che el nstes ie, per nes dí che el vuel nes salvé y nes fé conesce si cuer. Die se pieta a nosc cuer. Perchel me sàl bel che l Nuef Testament ie sen ence da podei avei tla rujeneda de Gherdeina. Ie spere che trueps se tole a cuer la Parola de Die”.
Grana é steda sia atenzion per l prozes de canonisazion dl miscionar ladin Ojöp Freinademetz y dassen maiour sia ligreza per la canonisazion garateda ai 5/10/2003. Egger à fat ence conesce diretamenter al Papa Jan Paul II y a Benedet XVI la jent ladina. Al prum a Weißenstein y al secont pro la festa dl legn de Nadel a Roma y ultimamenter a Persenon. Trami doi i Papesc à rejoné ence per ladin. N suzes nience da creie. L vescul Egger enstes rejonova pro vigni gran festa liturgica te trei lingac, belunfat te cie post che al fova. A na persona che ti ova damané do la Messa a cie moda ch'al essa rejoné ence per ladin, canche te gliejia ne fòvel dessegur degun ladin, ti òvel responù: “Duc mess vedei ite che nosta provinzia é trilinga y che an mess emparé a respeté duc”.
Dessegur à abù l vescul Egger gran sensibelté per les mendranzes, souraldut per chela ladina, ma ence per la mendranza taliana chilò te Sudtirol. Altamo tl mond dla Gliejia de Sudtirol àl crié na bona convivenza anter l clerus todesch, talian y ladin. I seminarisc'-teologs mess studié duc altamo per n valgugn agn a Persenon per emparé l todesch y l talian. Y an mess dì che i prevesc nuefs talians rejona valgamia ben todesch y l capesc ben. I vedli prevesc sà demé da dì valch salut per todesch. Bele l vescul Josef Gargitter ova vedù ite che tles cures mescededes, talianes y todesces, messòvel mané prevesc ladins, che savessa talian y todesch. Ence i prevesc nuefs todesc sà sen damiec talian y ai à cotant plu respet per i talians che dantdavia.
L clima dla convivenza é plu coscient y plu sentù. Egger à ence pensé a les comunités y mendranzes extracomunitares, souraldut a chela musulmana. Al à fat studié aposta l preve Mario Gretter tl mond arabich, Egit y autrò, per podei ence comuniché con i musulmans vegnus te Sudtirol. Per el ne fova i extracomunitars nia demé mans y brac per laoré, ma persones con si derc. Enfinamai l pastor evangelich de Bulsan à laudé l spirit de unité, de toleranza y de gran convivenza dl vescul Egger. Al fova veramenter na persona che vivova aladò dl spirit dl Vangele, che el, desche biblist, conesciova endretura.
Canche al fajova sies spaziredes òvel per duc na parola, n consei con n bel s’la rì. Con el é deventeda la Gliejia locala plu democratica, ma te chest vers à abù l vescul na gran delujion. Sie program fova “Syn”, “Deberieda”. Al volova che la jent essa colaboré, essa defenù sia fede ence publicamenter auzan la ousc contra i scandai, defenan sies tradizions, laoran y se batan per la giustizia tl sozial, al volova che i laics, i conseis de cura, i joegn fajessa la politica lascian ledia la Gliejia te chest ciamp. Al se batova per la fede, per la religion y al ne se ficiova nia ite tla politica, desche an à vedù l ann 1998 en gaujion dla festa dl Sacher Cuer. Empede colaborazion se àl ciafé gonot demé critiches. Can pa n auter vescul tant democratich, valent y atent a les mendranzes? Can pa endò n vescul tant amich di ladins?
Berto Videsott

 
Liams emparentés
· Deplú sun l tema Persones
· Chier te noeles


L articul plu liet te chest tema Persones:
Laudatio per dr. Paul Videsott


Valutazion dl articul
Cumpeida mesana de oujes: 4
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Wilhelm Egger: n vescul democratich, ascort y valent (ponc: 1)
da marco ai 20 August 2008 da les 10:00:04
(Infos sun l utilisadour | Ti mané n messaje privat)
Nosc vesco W. Egger é ste en gran ejempl por ci co reverda la fede, le ester cristiagn y le respet y la toleranza danter les porsones. Por nos ladins á el albü dagnora na atenziun particolara y iu arati che trec ponsi ince con encorsciomun a düc i iadi che el á tut pert con nos a la prozesciun de Jenn.
Con le vesco W. Egger él ste Ampezagn y Fodomi co á podü perié le pröm iade adöm por ladin en ocajiun de so pelegrinaje a Weissenstein!!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.382 seconc