benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Publicazions nueves: Gente di Val di Fassa
scrit ai 11 August 2008 da les 19:01:34 da noeles

Fascia

"Gente di Val di Fassa": na valeda, sia storia, sies usanzes

Prejentazion ai 18 de aost, da les 17.30 con a la pert l'autoura enstessa, Donatella Bindi Mondaini

"Gente di Val di Fassa" é l cuart titul de Donatella Bindi Mondaini sun i ladins dles valedes dolomitiches, do "Gente di Val Badia", "Gente di Val Gardena" y "I costumi della Val Gardena". Tres chesta publicazion sporj l'autoura, osservadoura ascorta dles popolazions ladines, na panoramica sun la storia, la vita, les usanzes y la cultura dla Val de Fascia.



Donatella Bindi Mondaini se arvejina al mond fascian con ascorteza y coriosité, desche an liej tles paroles dantfora olàche ala dij: «I pensove, do la pruma enrescida longia y sfadiousa sun la Val Badia, che les autres trei valedes ti someie a chesta y i ne ove nia intenzion de me dé ju endò con chest stude; de gre en gre à la coriosité endere abù la souraventa; da na valeda a l'autra, enceben che ales ae les raijes ladines deberieda, éi descorì aluesc ence de fones desvalivanzes liedes ai desvalifs evenc storics, che à jié sia pert tl determiné desferenzies economiches y donca soziales. Trei valedes desvalives, trei stories desvalives, una na soula origina, una na soula cultura, l medem lingaz». L bel test scrit te n stil scempl y gusteoul porta dant i momenc de maiour emportanza dla storia de chesta val da la preistoria al XX secul y al vegn acompagné da n rich aparat iconografich, tout fora per la maiour pert dal archif fotografich dl Istitut Cultural Ladin “majon di fascegn”.
L Istitut propon per en lunesc, ai 18 de aost, la prejentazion de chesta publicazion y na scontreda con l'autoura enstessa, che sarà prejenta tl Museo Ladin de Fascia da les 5.30 da seira. (eb)

Gente di Val di Fassa
de Donatella Bindi Mondaini
Prejentazion dl liber y scontreda con l'autoura
en lunesc ai 18 de aost 2008 h 17.30
Museo Ladin de Fascia - Sala L. Heilmann
Sen Jan – Vich

"L Regn de Fanes" - Les lijendes dles Dolomites, regoiudes y dedes fora da Karl Felix Wolff al scomenc dl secul passé, à abù bendebot de fortuna che an ne enconta nia valch de valif te deguna autra tradizion narativa dles Alpes. N liber nuef de Brunamaria Dal Lago Veneri.

"Larjei" se clama l liber. Al ne conta nia demé di bosc da leresc, di larjeis che se desten a pert de soredl a pe de Pütia enfin a ju te Vila, ma al conta laprò cotant de scliguc storics y aspec etnografics dla vita da paur ta Lungiarü, na picera val laterala dla Val Badia, olàche i laours y les tradizions da zacan souraviv aluesc dutaorela.

Sun l troi dles conties. L'idea de regueie te n liber doestrei anter les plu beles lijendes loghedes tl Ciadenac vegn cà da la fascinazion che les conties à sun gragn y bec, ma ence dal fat de savei che chestes resta sovenz “sospenudes” te sia dimenjion de flaba, destachedes da la realté y dal teritore che les à cheriedes y olache ales pertegn.


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.388 seconc