benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Col de Lana: nience n Pere Nost per ladin
scrit ai 09 August 2008 da les 19:08:36 da noeles

Politica

L vescul de Belun proibesc de prié per ladin

Chest él suzedů en domenia passeda sun Col de Lana canche l cor de Fodom volova cianté l "Pere Nost al Ciel" te na funzion a recordanza di tomés te vera

Che l vescul dla diozeja de Belun-Feltre, Giuseppe Andrich, ne fova nia n gran amich di ladins é na cossa nia demé conesciuda te Ampez y Fodom. A duc chi che vuel che les funzions vegne zelebredes almanco en pert per lingaz dla oma ti él bele dagnora vegnů fat de gran dificoltés da pert dles istituzions eclesiastiches locales. L Papa, Benedet XVI, a Persenon y a Oies, ŕ depierpul prié y perdiché per ladin.



Bele per l referendum ŕ l foliet dla diozeja beluneisa “Amico del Popolo” fat dles dutes per descredité les ghiranzes dla jent de Ampez, Col y Fodom da se reunifiché con i fredesc ladins de Badia, Gherdena y Fascia. La propaganda de chest foliet é steda dret agresiva, tendenziousa y gonot plena de baujies tl descrive la situazion dles mendranzes tla provinzia de Bulsan. Per chest fat él sté la jent che ti ŕ metů l sourainom “nemich” dl popul. Al é ence suzedů che prevesc de Ciadura jiva dant l referendum fora per cheles ciases y provova da insciautrě jent, cis chela atempeda, perdican de vigni sort de fauzes y de burtes profezies sce al essa davagné l “scě”.
Ma cie che al é suzedů l'ultima domenia sun l Col de Lana é na cossa che met te ombria dutes les autres. Entratant la messa per i tomés dla Gran Vera, él sté l cor da Fodom che ne ŕ nia podů cianté l “Nost Pere al ciel…..” ciodě che l vescul ti l ŕ proibí con la vertola che per i tesc' liturgics méssel vegně tout n lingaz reconesciů (!?).
Chesta cossa é suzeduda tl medem temp can che puec chilometri dancialŕ él l Papa Benedet XVI che ŕ perdiché per ladin pro l angelus a Persenon y ence en ocajion dla vijita a la ciasa nadel de Sant Ojöp Freinademetz a Oies.
Al é na cossa nience da creie che clerics che perdica amour per l proscim y toleranza universala ti proibesc ai fedei da prié Chel Bel Die tl lingaz dla oma. Al ne é nia da se en fé demarevueia, sce la jent de Ampez y de Fodom ne vuel nia demé mudé region ma ence diozeja, can che sie maiour famei ti proibesc les cosses plu elementares a na mendranza che fej pert de sie pastorec y la umilieia ciamň laprň.
Al vegn ence conté che jent de gliejia dla diozeja de Belun vŕ bele tant inant che al vegn prové da tň demez les tradizions dal ann liturgich liedes a la diozeja de Bulsan/Persenon. Dant da valch meis él perchel ence ju na delegazion metuda adum da componenc di comités referendars a ti splighé chesta situazion pesocia y paradosala al vicar general de nosta diozeja Josef Matzneller y al é ence prevedů da mete a conescenza l Papa de chisc fac. Al ne é nia l prum iade che pro chesta manifestazion de recordanza per dutes cheles persones che ŕ messů lascé la vita joena per vardé i confins dla patria él segns de na gran intoleranza per dut cie che é ladin o nia talian. Plu che se recordé di tomés él valch cef sourasciaudé che ne perd nience chesta ocajion per perdiché y ti fé sentě ai prejenc la “talianité” dl Col de Lana, che ne vegn dessegur nia metuda en discuscion. Y spo can che ence la posizion dla gliejia met man da ciafé na ciera nazionalistica y de puecia toleranza arati che nos onse arjont la piza dla ipocrisia.
Degugn ne ghira che prevesc da foradecŕ messe emparé l ladin, ma la jent mess podei dě sies orazions, almanco valch iade, tl lingaz dla oma. Al é da fé n apel a les assoziazions politiches y culturales ladines che al vegne ence pensé da stampé, anter dutes les publicazions che vegn sostegnudes, ence n liber liturgich per i ladins de Fodom y Ampez.
Marco Pizzinini

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.38
Oujes: 18


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Col de Lana: nience n Pere Nost per ladin (ponc: 1)
da Fodara ai 12 August 2008 da les 18:09:53
(Infos sun l utilisadour | Ti mané n messaje privat)
cösc vesco se merita na letra de protesta al papa nstes.

dl ater vers endere s'aspetasson dal partí ladin nö ince tutes de posiziun sön nosta provinzia. Ales lites messará le partí nö meco tlo tla prov. de BZ, no a BL, y tlo él trepes situaziuns, olache le ladin é stlüt fora daldöt. Tlo é le partí nö assent.



Re: Col de Lana: nience n Pere Nost per ladin (ponc: 1)
da marco ai 15 August 2008 da les 14:18:26
(Infos sun l utilisadour | Ti mané n messaje privat)
Le partí nö ô ti de sostegn ai derc dai ladins de dötes les 5 valades das Sela. Te cösc momont él soradöt Ampez y Fodom co adora nosc aiüt. Te nosta provinzia él gnü fat trep, mo al po ciamó gni fat deplü por i ladins. Cösta cosa depend soradöt dai ladins enstesc. Düc nos messun ciaré da colaoré adöm y da lascé demez les divijiuns.
Da critiché él saurí mo da fa samben plü rio, cis sce an é fondamentalisc cer Fodara.



Re: Col de Lana: nience n Pere Nost per ladin (ponc: 1)
da Fodara ai 16 August 2008 da les 21:17:56
(Infos sun l utilisadour | Ti mané n messaje privat)
Marco sona avisa desco la Stahlhelmfraktion de Gherdena, al é avisa sön le tru dai estremisc todescuns de Gröden. samegn, can che an n'ŕ nia argumonc, vegnel tut la calunia y la criminalisaziun dai atri, avisa desco la stahlhelmfraktion. bel les medemes parores tol Marco ca.




Re: Col de Lana: nience n Pere Nost per ladin (ponc: 1)
da Fodara ai 16 August 2008 da les 21:18:54
(Infos sun l utilisadour | Ti mané n messaje privat)
da respogne a mio argumont n'é Marco nia bun
mâ da insulté



Re: Col de Lana: nience n Pere Nost per ladin (ponc: 1)
da alfadolomiti ai 18 August 2008 da les 08:47:42
(Infos sun l utilisadour | Ti mané n messaje privat)
el poscibl, vigne iade che zacai se empormet da dě valch, spo él i atri co critiseia.

"Le partě nö ne nia present". Sogü entant manco, mo düć pň ti dé la poscibilité da ester plü presënt, ti denn la usc d' altonn.

Al č rio da sté entres defora y scraié. Con en rapresentant deplü a Balsan sarŕ la visibilité dai Ladins plü grana y ensciö le ghiranzes plü presentes.

Ne stun nia a se ciapé sot i pîsc önn con l' ater y rüné döt denant co meter man.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.400 seconc