benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Pro la Festa da Mont ai 1 de aost: les lijendes de Fanes
scrit ai 27 July 2008 da les 21:00:00 da noeles

Cultura

Les lijendes de Fanes contedes da nuef 

Tl cheder dla Festa da Mont prejentazion dl liber de lijendes, "L Regn de Fanes", contedes da Brunamaria Dal Lago Veneri, en vender, ai 1 de aost, da les 17.30 pro l Museo Ladin, sala L. Heilmann

 

Free Image Hosting at www.picturetrail.comTl cheder dla scomenciadiva dla “Festa ta Mont”, te Val de Sen Nicolò al scomenc de aost, troa lerch ence la prejentazion dla ultima publicazion dl Istitut Cultural Ladin en colaborazion con la ciasa editoura "Giunti Progetti Educativi"dal titul “Le Regn de Fanes – L Ream di Fanes(cliché sun la foto picera a man ciancia per daurì su la foto grana), na reviventazion dla contia epica dles Dolomites che porta dant l mit dl popul di Fanes.

 

 

PUBLICAZIONS OFIZIALES

ISTITUT  CULTURAL  LADIN  “MAJON DI FASCEGN”

Concurs publich aldò de titui y ejams per la califica de

DIRETOUR AMINISTRATIF
dl Istitut Cultural Ladin
 
Al vegn fat salvei che aldò dla delibera dl consei de aministrazion n. 12 di 9 de messel 2008, végnel metù a jì n concurs publich aldò de titui y de ejams per la enciaria de diretour a chel che al ti vegnirà sourandé l ofize aministratif dl Istitut Cultural Ladin.
Per podei tò pert al concurs, souraprò ai recuisic de lege, végnel damané:
- diplom de laurea spezialiseda;
- esperienza profescionala de almanco 5 agn (laours spezifics tl bant);
- Les domandes de amiscion al concurs, metudes ju sun papier scempl, cognarà ruvé tl Istitut Cultural Ladin - loc. Sen Jan - Strada de la Pieif n. 7 - 38039 Vich/Vigo di Fassa (TN) dant les 17.00 di 27 de aost 2008. Per avei na copia integrala dl bant de concurs y de autres informazions de uega podeise Ves ouje al Secretariat dl Istitut (tel. 0462/764267 - fax 0462/764909) o ti mané na e-mail a la direzion:
segreteria@istladin.net.

 



 

 

 

 

 

 

 

La publicazion, che fova bele vegnuda prejenteda en antepruma a la Fiera internazionala dl liber de Torin al scomenc de mei de chest ann, vegnirà prejenteda ai 1 de aost tl Museo Ladin de Fascia da les 17.30 te 4 edizions te 4 lingac: talian, ladin, todesch y ingleis. La publicazion desceida dessegur endò l enteres sibe dla jent dl post che di ghesć che vegn te Fascia.

Il Regno di Fanes - mito, storia e fantasia nelle leggende: il possibile innesco storico

di Adriano Vanin

La saga dei Fanes ci è stata tramandata soprattutto attraverso l’opera di Karl Felix Wolff. Senza di lui, è probabile che il nome “Fanes” sarebbe oggi soltanto un sibilo nel buio, una lontana eco dimenticata senza dimensioni né contorni.Wolff entrò certamente in contatto con la leggenda dei Fanes attraverso il lavoro di De Rossi, che raccolse molto materiale in val di Fassa: materiale tuttavia che è ben lungi dal fornire il quadro completo della saga, ed è per di più artificiosamente collegato al grande ciclo epico fassano degli “Arimanni”, di fatto un ciclo leggendario del tutto indipendente. Wolff raccolse più tardi molte altre informazioni sui Fanes in Ampezzo e persino nel Livinallongo, ma venne a conoscenza della cruciale parte “antropologica” solo attraverso Karl Staudacher. Questi, figlio di un albergatore di Brunico, aveva sentito raccontare la leggenda ancora bambino, da alcune lavoranti ladine della bassa Badia o del Marebbe, al servizio del padre. Continua ....

Les lijendes dles Dolomites, regoiudes y dedes fora da Karl Felix Wolff al scomenc dl secul passé, à abù bendebot de fortuna che an ne enconta nia valch de valif te deguna autra tradizion narativa dles Alpes. Bonamenter per l enciant che deraiova da les “Crepes Spavides” (Creps Sclauris) enlaouta ai temps dla descorida dles Dolomites o poester per la beleza sćiantiva y per la saour vedlora dl argoment o bonamenter ence per la bravura de Wolff da prejenté les lijendes, metan adum en forma leterara les mizacoles de na tradizion epica  feter daldut desfanteda. Al é n fat che dal 1913 encà ne cumpeiden nia plu les edizions, les traduzions y les scurtazions fates te n mudlon de lingac. Enceben che la lijenda de Fanes ne vegne nia plu trasmetuda da na generazion a l’autra a ousc, ne àla nia perdù sie enciant enfin a encuei. Apede les reedizions di laours classics de Wolff, dés fora tles formes plu desvalives, dombreien entratant a doseines les operes de scritours, de novelisć, de autours de teater, de pitours, de zipladours y de poec dla natura che seghita a pié do ispirazion da chest zicle de lijendes, portan enscí pro a deslarié fora sie nonze (renom). L’opera che vegnirà prejenteda ai 1 de aost é belavisa n laour destiné al deslariament ampl, abelì da n grum de dessegns demarevueia de Fabio Visintin che acompagneia la conteja pensierousa y saventa de Brunamaria Dal Lago Veneri. A sia maniera él na opera d’ert con la saour plu sćiantiva dla tradizion vedlora. (eb)

L Ream di Fanes. Contìa epica de la Dolomites de Brunamaria Dal Lago Veneri

Prejentazion dl liber en vender, ai 1 de aost 2008, da les 17.30 Museo Ladin de Fascia - Sala L. Heilmann Sen Jan

Liam a la Wikipedia: les autres figures dles lijendes ladines

Ganes, salvans, vivans, vivenes, dragons y orcui


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.416 seconc