benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Revive les lijendes: publicazion nueva dl istitut ladin fascian
scrit ai 15 July 2008 da les 19:45:26 da noeles

Fascia

Do l troi dles conties

Na publicazion nueva talian-ladina dl istitut cultural ladin de Fascia penseda per i mutons

Image Hosting by PictureTrail.comL'idea de regueie te n liber doestrei anter les plu beles lijendes loghedes tl Ciadenac vegn cà da la fascinazion che les conties à sun gragn y bec, ma ence dal fat de savei che chestes resta sovenz “sospenudes” te sia dimenjion de flaba, destachedes da la realté y dal teritore che les à cheriedes y olache ales pertegn.

 



L'intuizion de prové de viventé endò chest liam ti é vegnuda a Roberta y Mario Desilvestro che “dal aut” de sia utia ta Gardecia, à tout su la coriosité de chi trueps - y anter chisc n mudl de families - che duc i agn se en arloia fora per l troi che da Ciampedìe meina enfin a tl cuer dl Ciadenac. La colaborazion dl Istitut Cultural Ladin y di servisc Educatifs dl museo ti à dé l muet de mete en pe n projet didatich plu menù, na raida videda a mesura de bez, per les families che vegn te Fascia al fresch, ma ence per les scoles y la jent dl post.

Chesta scomenciadiva à soscedé n enteres tant gran che an à dezidù de porté dant cheles sies conties te na  publicazion te doi lingac, saurida y plajoula tl stil de scritura y dles ilustrazions cheriedes aldò da Fiorella Brunel. Na sort de “vademecum” dl troi, ma ence na selezion cernuda y penseda anter les conties che reverda plu davejin la val y che prova da ti dé na
saour de magia a les origines di luesc o di fenomens naturai per crié endò chela marevueia che fej sté con la bocia daverta duc i bec canche ai scouta su na storia.

Ence per chest isté végnel metù a jì la raida culturala per families te Gardecia, vigni mercui dai 2 de messel ai 3 de setember, pian via dal Museo Ladin da les 9.00 da doman. L spetacul “La contia de Re Laurin y de sia fia Ladina” vegnirà ence metù a jì en mercuil ai 23 de messel (y ciamò na outa en mercui ai 13 de aost) da les 3.00 domesdì pro la  utia Gardecia. Al é n’autra bela ocajion per passé n dì particolar.

Museo Ladin de Fascia, sala Heilmann
Lunesc ai 21 de messel 2008
da les 17.00
Prejentazion dl liber

Sul sentiero delle leggende / Do l troi de la conties

© Istitut Cultural Ladin, Vich / Vigo di Fassa (TN), 2008
Aldò dla idea de Roberta Billato en colaborazion con i Servisc Educatifs dl
Museo Ladin de Fascia (Daniela Brovadan y Martina Chiocchetti)
Liber de 35 plates, ilustrazions a colours, priesc € 10,00.


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 3.66
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.353 seconc