benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Afermazions nia da azeté
scrit ai 10 July 2008 da les 19:25:27 da noeles

Politica

"I ne vue nia plu audì rejonan de etnies!"

Chesta afermazion dl ex-president dla Generela à fat la roda tla stampa taliana: Alto Adige, Adige y Corriere delle Alpi ti à dé gran lerch

Te chest temp prelital se deligneiel tres plu clermenter i desvalifs claps politics, con si candidac relatifs plu o manco definitifs ence tles valedes ladines, con sia intenzion clera de podei mané n secont raprejentant de nosta mendranza tl consei provinzial. Per arjonje chest obietif vàl assolutamenter debujegn de chirì na colaborazion anter i movimenc desvalifs per ne stravé nia les oujes te deplù direzions, vanifican les poscibeltés de arjonje chest obietif.




Arjonje chesta colaborazion anter chestes forzes y ciafé l sostegn da pert dla popolazion ne é nia n laour da puech, ajache nosta mendranza é bendebot magherlina y perchel esponuda a de vigni sort de tentatifs de spidiciament nia demé dal daite dl grup, ma ence a polemiches che ciala de descedé poures esistenziales che va a finì inevitabilmenter te n renforzament dl sentiment secolar de sotananza di ladins ti confronc de nosc vejins. Condut chest se muevel empò valch tl mond politich ladin, n moviment che podessa ti dé forma a na raprejentanza adegueda a nosta mendranza.
Zenz'auter à vigni zitadin, ence chel ladin, l dert sacrosant de vegnì respeté te sie pensier politich y ence per na sia candidatura eventuala. Certes esternazions y acrobazies filosofich-storich-culturales meses sceries de valch neo-candidat endere, n iade demé de tant en tant y encuei tres plu sovenz, ne pò nia romagne zenza che an ti feje n pice y scempl comentar.
Co pò pa n president de na assoziazion etnich-culturala che à a poura nia abù ence si meric y che dij tresfora de defene y de amé sia cultura ladina, dé les demiscions da sia enciaria y afermé pueces ores dedò de ne volei nia plu audì rejonan de etnies, ajache al à te n iade redescorì sia natura, baudi nia dagnora senziera, de na identité ecologich-cosmopolita? Vignun é samben lede de dì fora publicamenter sie pensier y sies idees per motifs plu o manco proselitistics, ma - voléssen dì - con n minim de coerenza y de senzierité. Al ne resta nia auter che n pice clip de melsegurté ipotetica che al ne se trate ben nia de na strumentalisazion jornalistica, scenò podéssen a poura nia afermé che na enciaria de prestije, desche chela de president dla Union Generela, sie demé vegnuda adoreda tla prospetiva de trampolin per protagonisms politics.
Marco Pizzinini

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3.77
Oujes: 36


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Afermazions nia da azeté (ponc: 1)
da travers ai 11 July 2008 da les 17:05:34
(Infos sun l utilisadour | Ti mané n messaje privat)
Mah, ie ne creie nia che al se trate de oportunism - MC n'en à nia debujegn - ma de valch d'auter. L louf muda l polam ma nia l vize. L vize dla incoerenza vendù sciche na virtù, chela dl non-conformism.



Re: Afermazions nia da azeté (ponc: 1)
da Fodara ai 12 July 2008 da les 11:11:37
(Infos sun l utilisadour | Ti mané n messaje privat)
y i "Amisc dla Ladinia Unida" é mâ stês n trampolin por le protagonism politich de d'atri. Scoéde dan osta porta.





Re: Afermazions nia da azeté (ponc: 1)
da Jandaniel ai 13 July 2008 da les 15:26:10
(Infos sun l utilisadour | Ti mané n messaje privat)
Anter "Generela" y "Amisc dla Ladinia" él endere bendebot de desfarenzia, cer Fodara.
"Amisc dla Ladinia Unida" fova y é da empruma encà na azion politica mireda a sostegnì l referendum da souramont. La union se muev sun terac porì politich (unité di ladins pro Sudtirol) y ne à degunes funziones culturales tl sens strent dla definizion. La "Generela" é da empruma encà na union "etnich-culturala". A pert chest creii che al ne ti feje nia mel a la Generela che Costa à dé ju sia enciaria. Cie fej derzé i ciaveis te chest contest é les afermazions de Costa "Non parlatemi più di etnie!!" dit te intervistes te deplù foliec, perchel ne pòn nience plu rejoné de "afermazions ipotetiches" o de strumentalisazions jornalistiches. Al à dit veramenter chest. An se damana ben, sce al à liet n iade l statut dla Generela, na blota union etnich-culturala. L dube nasc da chestes sies afermazions che fej a pugns con la enciaria de n president dla Generela, él mo sté n trampolin?


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.366 seconc