"Maria Piaz de Pavarin": n liber premié plu outes

N laour dla storica Luciana Palla dé fora dal Istitut Ladin Majon di Fascegn vegn premié ai 29 de auril a Trent - Pest ence tla Cergnia pro la 6a edizion dl "Premio letterario Nazionale Leggimontagna"

Tl cheder de TrentoFilmfestival a Trent l'edema che végnel premié en mertesc, ai 29 de auril, da les 18.00 tl Ciastel Buonconsiglio pro la edizion de MontagnaLibri 2008 l liber "Maria Piaz de Pavarin / Dal Pordoi a Katzenau" dla storica fodoma Luciana Palla, dé fora dal Istitut Ladin de Fascia Majon di Fascegn.

L liber, a testemonianza dl valour y dl enteres descedé da la publicazion, é ence ruvé anter i prums vencidours dla 6a edizion dl "Premio Letterario Nazionale Leggimontagna" metù a jì da les sezions ciargneles dl CAI  deberieda con la Comunité da Mont dla Cergnia (Friul). Chest pest ti é vegnú sourandé tl cheder de na festa ai 19 de auril a Fors di Sot (Forni di Sotto).

Maria Piaz de Pavarin: Dal Pordoi a Katzenau, recordanzes L liber abina adum la conteja en pruma persona di evenc vivus endana la Gran Vera da Maria Piaz de Pavarin, la “mere dl Pordoi”, sor de Tita Piaz. Con sia ousc, touta su te na registrazion de passa does ores touta su da sie nevou Franco ti agn '60, nes conta Maria de canche ala é vegnuda sareda via dai austriacs y dedò interneda a Katzenau per avei daidé doi trentins che volova s'en sciampé “ju per la Talia” per ne messei nia jì te vera. A ti dé n cheder ciamò plu rich de detais de chi agn de struscies y de padimenc él ence passa cincanta letres che Maria Piaz ti à scrit a sie fi Francesco dal confin, y ciamò apede valch scrit autobiografich y na documentazion  fotografica  bendebot enteresssanta. Inant ....