benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

FUEV: organisazion per mendranzes logheneia i ladins
scrit ai 25 February 2008 da les 21:51:31 da noeles

Politica

La FUEV logheneia l'esistenza di ladins

Pro les mendranzes enviedes al turnoi de juech al palé ti Grijons figureiel endere na "mendranza sudtiroleisa" che ne esisteia nience  

La Lia per popui manacés tol su con marevueia che la organisazion de mendranzes FUEV (Federazion mendranzes europeanes) ignoreia y logheneia la esistenza di ladins. Tres chest desmňstrela de se comporté te na mainiera da se daudé per na organisazion che se tol dant de raprejenté enteresc de mendranzes. La FUEV endrezeia via - tres l aiut dla Lia Rumancia - n tournoi de juech al palon "Europeada" (www.europeada2008.net). Chest é bon y dret, ajache i stac nazionai y sies formazions sportives ignoreia de regola la varieté culturala. Ma sun chest troi varieia ence la FUEV. Pro les mendranzes enviedes al tournoi y sun la cherta figureielel na "mendranza sudtiroleisa".

 



Chesta terminologia é fauza y nazionalistica, ajache ala logheneia l'esistenza de na mendranza ladina. Chesta terminologia ne ascon via nia demé l'esistenza di ladins te Sudtirol, ma ence i ladins fora dla provinzia de Bulsan. Tres chest comportament se taca ite la FUEV te na ideologia anti-minoratira che an conesc dret ben tla provinzia de Bulsan, che ne reconesc nia i ladins sciche grup, ma che veid i ladins desche na sort de sot-grup di todesc aladň dl famous slogan: "Minderheit in der Minderheit". Enscě se compňrten tla medema maniera desche i stac nazionai. Con cie autorité criticheien pa da pert sudtiroleisa l nazionalism talian, sce an maza envers i ladins tla medema sanisc?
Chest comportament dla FUEV ne pňn nia azeté y nia perdoné, ajache la FUEV se definesc sciche organisazion dles mendranzes y la Union Generela é ence member dla FUEV che ŕ a cef tla persona de Martha Stocker, na sudtiroleisa todescia, tla enciaria de vize-presidenta. Che la FUEV adora na terminologia fauza y logheneia l'esistenza di ladins deforavia y a livel european, é perchel volů y fat aposta.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.2
Oujes: 5


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: FUEV: organisazion per mendranzes logheneia i ladins (ponc: 1)
da travers ai 25 February 2008 da les 21:59:37
(Infos sun l utilisadour | Ti mané n messaje privat)
La FUEV conta politicamenter manco che l doi de sampugn ma ala é vegnuda y vegn manipoleda dai raprejentanc politics dles mendranzes stersces, in primis da la SVP, che se fej tres la FUEV n bel reclam a bon marcé: Sudtirol model y paraisc dles mendranzes (en realté demé chela todescia!) per merit dla SVP.
I ne é mai capě ciuldě che la Generala tegn tant sun la FUEV; al ne é nia l prum iade che i ladins vegn sburlés sun na pert da la FUEV!



Re: FUEV: organisazion per mendranzes logheneia i ladins (ponc: 1)
da marco ai 26 February 2008 da les 21:51:53
(Infos sun l utilisadour | Ti mané n messaje privat)
Le comportamont dla FUEV n´é nia dert, chel é vei. Mo iu arati che al é ince empü colpa dai raprejentanc ladins y dla jont ladina enstessa sce i ladins ne ven nia tuc massa en conscideraziun.
L´identité y le sontomont ladin é pa trepa jont scialdi freic, le ponsier materialistich va sora döt y düc.
Cis sce an veiga pa de gran manifestaziuns sportives te nostes valades, olá che la Ladinia se mostra al monn, vegnel da enré baié ladin y simboi desco bandires o scrites ladines fala completamonter.
Na mendranza co ten püch a se enstessa ven ince tuta püch en conscideraziun!!



Re: FUEV: organisazion per mendranzes logheneia i ladins (ponc: 1)
da travers ai 26 February 2008 da les 22:51:03
(Infos sun l utilisadour | Ti mané n messaje privat)
Dut veir cie che Marco dij, ma cerc comportamenc dla FUEV ne é nia da azeté. Ne é nia si "dovei istituzional" de defene les mendranzes contra les maioranzes? Gonot se comporta les gran mendranzes truep peso che les maioranzes nazionales y propi chilň podessa o messessa la FUEV mostré sies grifes.
Rejoné de na "mendranza sudtiroleisa" te na manifestazion organiseda ti Grijions con l aiut dla Lia Rumancia, é n afront per i ladins dles Dolomites.



Re: FUEV: organisazion per mendranzes logheneia i ladins (ponc: 1)
da marco ai 26 February 2008 da les 23:26:06
(Infos sun l utilisadour | Ti mané n messaje privat)
Desche nos an odü ultimamonter é le peis dla mendranza ladina fora de nostes valades ben der picio. Can che ara ven a cheres él dagnora i ladins co mess zede y lascé döt ai atri co é plü stersc.
Ne fossel nia ora che i ladins metess man da alzé la usc y da se raprejenté enstesc? ´N´é nia cösc en dert fondamental del vigne mendranza? Pro i ladins an l´impresciun che al n´é nia ensciö.
O la maioranza dai ladins joré bas y fa ennant i fanc? Al pö de sciö!!



Re: FUEV: organisazion per mendranzes logheneia i ladins (ponc: 1)
da MateoTaibon ai 01 March 2008 da les 11:03:19
(Infos sun l utilisadour | Ti mané n messaje privat)
le foliet "Dolomiten", che fej na pert importanta dl laűr d'organisaziun, á cherdé sö por dí che tl dagní meterŕn averda con la diziun (y che an n'á nia fat aposta), la Lia Rumantscha á atira dit ch'ara comöda la lista dles mendranzes. Ma la FUEV n'é nai bona da dě: "eh, al é sté n fal, comedun".

"Was die Terminologie anbelangt: Ja, von der deutschsprachigen und ladinischen Minderheit in Südtirol zu sprechen, ist sicherlich korrekter. "

Insciö na nota che nes é roada dala FUEV.
"Korrekter" ? No, la terminologia tuta ea falada, la diziun che desfarenizeia danter ladin y todesc nia "korrekter", mo "die einzig zutreffende".

čl tan rî da pert de na vizepresidenta todescia (che n'oress mai ch'an la metess pro i taliagn) capí che al é n tort meter i ladins pro i todesc ?
Poa. Sensibilté por la mendranza á na te' porsona mâ can che la mendranza é todescia.



News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.390 seconc