Cursc universitars, daverc a duc i interessés
scrit ai 05 February 2008 da les 19:25:37 da noeles |
|
Marketing cultural y lingaz de mendranza
Cursc a la université, sezion ladina a Persenon: lingaz y marcé, lijendes ladines anter tradizion y reelaborazions
Ence tl semester da d’isté 2008 pieta la Repartizion Ladina dla Facolté de Scienzes dla Formazion dla Université Ledia da Bulsan cursc opzionai, che pò vegnì frecuentés da interessés desche “student ghest”. Ai ensegnanc ladins pò i cursc ti vegnì reconescius desche ativité de formazion.
Marketing cultural y lingac de mendranza (Codesc 13021)
Tla Ladinia végnel metù a jì vigni ann n grumon de manifestazions de emportanza nazionala y ence internazionala, che ciafa gran resson ti mass-media. Davia che la jent dl post sà da rejoné almanco doi o trei lingac y an veid chestes manifestazions sciche ocajion da fé reclam foradecà, ne ciafa te chestes ocajions l lingaz local, l ladin, sovenz nia la lerch che al se meritassa. I savon che l ghest de cualité ti ciala tres deplù ence a la oferta culturala de na destinazion turistica, à d’autri raions alpins bele da n pez metù man de ne reclamisé nia demé la natura y sies infrastrutures, ma ence lingaz y cultura dl post. N espert de marketing svizer prejentarà n valgunes propostes che an podessa sourantò ence tla Ladinia. L curs de 30 ores é – con pueces ezezions – tres de juebia da les 14.00 a les 16.00 y vegnirà tegnù per todesch o per talian, aladò dles competenzes linguistiches dla maioranza di scric ite. Chest é l program menù:
13.03.08 Prejentazion dl curs ;
20.03.08 Nozions de basa dl marketing
27.03.08 Marketing turistich (target groups, contegnus, USP)
03.04.08 Marketing y contegnus culturai : « vene » la patria
16.04.08 Fova Obelix n ladin? La storia sciche fatour de identité
17.04.08 Azes ence per chi dl post: museums y zentri culturai y sie potenzial
05.05.08 La toponomastica sciche poscibelté da trasmete cultura
08.05.08 N flirt con i ladins – usanzes y tradizions
15.05.08 Encherscimon: mujiga sciche fatour d’identité coletiva
19.05.08 L lingaz esprescion dla identité culturala – les chances dl plurilinguism
22.05.08 Lingaz de mendranza: prejenza, visibelté, imaja, prestije
26.05.08 Facts&Figures y funzionalité (mass-media, economia, aministrazion)
29.05.08 Manifestazions sportives: dal „Engadiner Skimarathon“ a la „Maratona dles Dolomites“
05.06.08 Leteratura y trasmiscion culturala
12.06.08 Resultac y poscibeltés de aplicazion
Lijendes ladines anter tradizion popolara y (re-)nasciuda leterara (Codesc 13022)
Vignun de nos à audì rejonan dla lijenda de Fanes. Mo cie é pa vedl, autentich y original y cie é pa enjonta leterara y reelaboraziun da pert dl editour Karl Felix Wolff? Cie é pa mitologia, cie poejia, cie enjonta y mistificazion leterara? N espert dla materia analisarà chestes domandes tratant l curs de 30 ores che vegnirà ence tegnù – con pueces ezezions - de juebia da les 16.00-18.00. L curs vegn tegnì per ladin. L program tl menù:
13.03.08 Prejentazion y struturazion dl curs: Finalités, metodologies, interpretazions
19.03.08 Definizions y problematiches dla lijenda: La tradizion orala y l problem dla documentazion dai Fredesc Grimm aldidancuei
20.03.08 L corpus dla lijendes ladines: Raions, argomenc, formes y esprescions
27.03.08 Analisa de ejempli emblematics de lijendes ladines singules : I creps sclauris, Soreghina, Laurin
03.04.08 La formazion de zicles de lijendes : Zicle de Fanes
09.04.08 Analisa avisa dl zicle de Fanes: Tematiches, personajes, ambient
10.04.08 Les particolarités uniches dl zicle de Fanes: Mitologia, poejia
17.04.08 La problematica dla tradizion da Hugo De Rossi a Karl Felix Wolff: Mudazions, enjontes, mistificazions leterares
24.04.08 Teories sun la lijenda de Fanes: Vijions archetipiches, matriarcat, archeologia
08.05.08 Confronc anter la lijenda de Fanes per autres tradizions epiches: Contaminazions con l Nibelungenlied y autres operes leterares
15.05.08 La fortuna critica y la rezezion dles lijendes ladines “Dolomitensagen” y les conseguenzes, epigons talians y todesc
22.05.08 Polemiches interpretatives y academiches: L problem dla originalité y dla reelaborazion
29.05.08 L impuls a la produzion leterara ladina: Da Tita Alton y Giosef Brunel enchin al didancuei
05.06.08 Poscibeltés didatiches dles lijendes ladines: Ejempli y propostes de laour per ensegnantes
12.06.08 Valutazion finala y interpretazion critica: La prejenza dles lijendes ladines tla leteratura, ti media y tl sentiment coletif
Informazions emportantes: dutes les lezions vegnirà tegnudes a Persenon tla Facolté de Scienzes dla Formazion y sarà per ladin. Per podei se scrive ite sciche student ghest végnel damané la matura. Informazions plu menudes soura les condizions d’iscrizion é da ciafé tl secretariat di studenc dla Facolté de Scienzes dla Formazion (0472/012200); i formulars pò ence vegnì desćiariés dal internet (http://www.unibz.it/students/secretariat/auditors/index.html?LanguageID=DE).
Per les lezions él da paié 50,00 €. Chesta é na tarifa particolarmenter bassa, aproveda dal Consei dla Université Ledia de Bulsan sun proposta dl Consei de Facolté y dl dr. Theodor Rifesser, sciche mesura de sostegn aposta per l grup linguistich ladin.
Informazions plu avisa sun vigni curs sciche ence sun i termins pòn ciafé dal prof. Paul Videsott (paul.videsott@unibz.it).
| 
