L museo ladin deura les portes
Tl cheder dla manifestazion nazionala metuda aldò dla convenzion dla UNESCO
En domenia, ai 20 de jené, tol pert l museum ladin de Fascia a la manifestazion nazionala "Portes davertes a les tradizions talianes" tres na daurida straordinara di salfs espositifs da les 15.00 a les 19.00. La iniziativa é vegnuda envieda via dal Minister ai Bens y a les Ativités culturales per valorisé la conescenza dles truepes tradizions aldò dla convenzion dla UNESCO per la sconanza dl patrimone cultural nia-material.
La domenia sarà dedicheda tl museum ladin de Fascia al Carnescé fascian. Al vegnirà enjigné na mostra tl salf multimedial "Luigi Heilmann" dal titul "La Mescres". Al se trata de na reportaja con fotografies toutes su ti agn '50 da Guido Iori Rocia (perauter bele porteda dant en gaujion dla mostra-event dl 2006 "Carnescèr. Da les Alpes al Mer Fosch) che an podarà vijité entratant dut l temp da Carnescé.
Via per l domesdì végnel proieté tl medem salf n valgugn films y documentars etnografics dedichés al tema dl Carnescé: "La maschera é l spiedl" y "L Carnascé di mutons" de Renato Morelli (per la RAI - senta de Trent) sun consei scientifich da pert de Cesare Poppi y spidic dal Carnescé de Penia y de Ciampedel dl 2003.
