benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Intervista a Marco Pizzinini sourantouta da www.amiscdlaladinia.info
scrit ai 14 December 2007 da les 18:43:44 da noeles

Politica

Nos messon sen sensibilisé la opinion publica

Intervista al coordinadour dl comité "Amisc dla Ladinia Unida", Marco Pizzinini, sourantouta dal sit www.amiscdlaladinia.info

Image Hosting by PictureTrail.comFree Image Hosting at www.picturetrail.comDefata él 2 meisc ca dal referendum da souramont di 28-29 de otober 2007. An aspeta dutaorela la convalida dl resultat lital da pert dl ofize di referendums pro la Court de Cassazion, na formalité envers a la chestion politica, chela dl bensté dles provinzies de Trent y de Bulsan y chel dla Region Trentin-Sudtirol. N rem ciamò majer raprejenteia spo la lege de destach da ti mete dant al Parlament talian. Al podessa passé via valch ann. Entratant ciàlen de se mueve tl ciamp dla informazion y studia plu avisa cie soluzions che podessa conduje plu debota (lege ordinara) al obietif: l destach da la region Venet y la agregazion a la region Trentin-Sudtirol. Cie che i comités se tol dant é perchel dantaldut informazion sun "tripartizion ladina". Doestrei domandes al coordinadour Marco Pizzinini.Foto a mandreta, zedola referendara: cliché lassoura per la engrandì.



Cie conclujions tireise pa da vost engajament per l referendum da souramont en cont de "unité ladina"?
Per me él ste na beliscima esperienza. Al s´à descedé fora pa truepa jent de nostes valedes n sentiment nuef de unité. Nosc vejins todesc y talians s´à ence sperdù, ciuldì che ai ne pensova nia che al vegnissa arjont chest resultat.

Image Hosting by PictureTrail.comCie aspetatives mineise pa che la jent da souramont ae sen?
La jent da Souramont à dé n gran segn de ladinité y de volonté a l'unité. Ala veid l davegnì plu positif. Nos speron che l stat talian reconesce la volonté de chesta jont.

L referendum fova, desche an savova, n prum vare, ma nia ciamò chel determinant per l destach. Co vàla pa inant?
La Provinzia de Bulsan, chela de Trent y la Region Trentino/Südtirol messarà ester a una. L govern talian messarà fé na proposta de lege al Parlament. Sce al vuel ester na lege costituzionala o na lege ordinara ne él ciamò degugn che à dit te na maniera clera. Con na lege ordinara fòssel dut plu saurí.

Co pòn pa ouje demez l uedl da les "rejons economiches" y mete deplù n gran azent sun cheles storich-linguistiches?
La pruma condiziun é che al vegne tout demez l tort fascist dla tripartizion. Sce l stat talian lascia la tripartizion spo pérdel credibelté. Les rejons economiches à sia emportanza ence te Südtirol. La maioranza de nosta jent ti dà ence la creta a un n partí souradut per rejons economiches. Sun chest argoment ne pòn nia fé i fariseics. Denant che ti tré dant oportunism economich ai fredesc da Souramont messonse nos ester manco egoisc' y cialé tant gran che al é ciamò nost sentiment de ladinité.

L ram de rejia é per i talians dantaldut Cortina, la perla dles Dolomites, cie imprescions eise pa de Ampez ...
La jent d'Ampez é ruveda pro l Venet zenza ne ester mai vegnuda damaneda. Chest é sté n gran tort. Al é ora che al vegne fat giustizia. Ence sce i ladins ampezans n´à nia plu la maioranza, duta la jent d'Ampez á l dert da se damané la reunificazion con Südtirol. Nos on l'oblianza morala da ti dé nosta solidarité. I talians á demé desfruté Cortina. Per ei à i ladins dagnora abù puech valour.

Cie se tol pa i comités sen dant, eise bele valch idees plu concretes?
Nos messon sensibilisé la opinion publica y dantaldut i politics talians che ne conesc en gran pert nia la problematica dai Ladins. Nos son tl laur, adum con chi da Souramont da tò su contac y da mané fora informazion.

Cie ves aodeise pa da la Lia di comuns ladins?
La Lia à na gran emportanza. Ala dess ester l "motor" per arjonje la reunificazion. Ie spere y i me aode che al vegne prest arjont resultac concrec. Enfin a sen àn vedù ciamò scialdi puech.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.361 seconc