benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Touta de posizion dla Union di Ladins de Fascia en cont dl referendum
scrit ai 10 December 2007 da les 18:13:08 da noeles

Politica

Union di Ladins de Fascia: per na Ladinia reunida

N rengraziament particolar ai comités y dantaldut a Marco Pizzinini y ai "Amisc dla Ladinia" che é stés i boreis y bordigons sot al cender

Image Hosting by PictureTrail.comTl consei diretif dla Union di Ladins de Fascia cherdé ite enstadì, l ultim dant dal renovament dles enciaries soziales prevedù chisc dis che vegn, él vegnù rejoné anter l auter dl referendum con chel che i zitadins de Col, Fodom y Anpezo à desmostré bel cler zenza ti lascé deguna lerch al dube sia volonté de ruvé endò permez ai autri ladins dles Dolomites, ite te chela Region da chela che acà entourn a setanta agn fòvei vegnus destachés a ries da la politica nazionalistica fascista che volova, tres l "divide et impera", sfrié demez la "tacia grija di ladins dles Dolomites", per adoré la esprescion de Tolomei dret conesciuda.

 



I conseiers dla Union di Ladins de Fascia à palesé sia amirazion tl vedei cotant de laour che al é vegnù porté inant dal Comité per l Referendum con a cef Siro Bigontina, da les sezions dla Union Generela di Ladins dla Dolomites de Col, Fodom y Anpezo, dai ombolc y da les aministrazions de comun, da la Union Generela enstessa y da les autres sezions de valeda, ma dantaldut da Marco Pizzinini y dal grup "Amisc dla Ladinia", che à sapù da ester sciche "i bordigons sot al cender", da engaissé y ti dé creta a chisc fredesc ladins che à dé, con sia touta de posizion, na desmostrazion de coerenza y de savei da tegnì adum y ence - él vegnù dit - à abù l merit de scassé les coscienzes y fat vegnì a lum les contradizions che i ladins viv encueicondì. Sen che l popul à dit la sia, con la medema determinazion di 3000 ladins che à dit de no a la tripartizion sun Jouf dl Sela de messel dl 1946, messessa i politics dé l vare che vegn do, ajache l referendum a porté dant n melester, tamben di ladins che di comuns da mont, y al melester él da ti dé respostes concretes y da fondament.
Samben, do da cie che é suzedù, él sen poscibel che d’autri comuns che se ghira n mudament de region se envieie via y la tema de na levina nueva de referendums é dant man.
Sce an vuel se stravardé che chest strument de consultazion popolara devente na coioneda y la democrazia na matada, él debujegn, entant che an speta, che a les regions a statut ordinar ti végnel dé competenzes nueves y mesi finanziars aladò, de na lege che mete endò su i confins dla Region sciche ai fova dant dal 1923. Chest essa da vegnì fat zenza referendum, per concé ite na ingiustizia storica, ence sce al ne é nia meso do setanta agn de paié ju sciche al toca l dann che i ladins à messù patì per cie che reverda l’identité, l raion y l svilup.
Per ti dé n prum segnal fort se aoda donca la Union di Ladins che al vegne porté ite te Consei Regional n dessegn de lege-vot per mené do tl Parlament a fé leges de chest vers, sciche al fova vegnù indiché da la Assemblea Regionala bele dl 1948, entant sia pruma enconteda.
Tl medem temp podaràn ence "saré ju la region", chest vuel dì tò demez la poscibelté de mudazion di confins dles regions a statut spezial tres les prozedures prevedudes per les regions a statut ordinar, o fé a na maniera che la prozedura sie imposcibla, ma chest do che i vedli confins sarà endò restabilis. O zenza saràl miec dé pro reidlamenter che an ne vuel nia mudé l status quo y che an cern de sacrifiché ciamò n iade i derc dla comunité ladina a la rejon de stat, ti dan enscì la poscibelté al projet fascist dl assimilazion de vegnì porté a compliment.
Vich, ai 18 de november dl 2007
L President dla Union di Ladins de Fascia
dr. Tone Pollam

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.407 seconc