benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Legn da Nadel da la Val Badia per l Papa
scrit ai 04 December 2007 da les 19:25:28 da noeles

Val Badia

Sun plaza San Piere: legn da Nadel da la Val Badia

L trasport é bele pié via - l legn vegnirà enfornì su con decorazions fates da volontares dla Val Badia 

Enier da mesdì é l gran pec vegnù sié y ciarié sun n camion con ciar spezial. Travert: Papa, stat dl Vatican a Roma. L pec é vegnù taié ju tla Val dai Tamersc olàche les verdies forestales en à enrescì un con na odlina cis bela. En lunesc dantmesdì é l legn vegnù sié via en prejenza di organisadours y promotours dla azion, dantfora l ombolt Pepi Dejaco de San Martin de Tor y truepes persones vegnudes adalerch aposta. La idea é pieda via dant da 5 agn, canche l ombolt Dejaco à lascé scrive ite la Val Badia tl liber di raions che volessa ti fé na scinconda al Papa, arverjan sun la Plaza de San Piere a Roma l legn da Nadel. Chest ann é la Val Badia vegnuda pro.









L pec é 25 m aut y à n diameter de 45 cm, al à za. 140 vetes, vuel dì 140 agn de vita y peisa soura trei tonelades. Al é vegnù ciarié sun n ciar aposta y ruvarà a Roma tla nuet anter mertesc y mercui. Souraprò végnel condut ju a Roma na ciaria de pici legns da Nadel che vegnirà tamben metus su tl Vatican. Per chisc él sté truepes volontares dla Val Badia che à enjigné ca ence l enforniment.

En juebia, ai 13 de dezember, jirà na delegazion ofiziala de Sudtirol a Roma. A la pert sarà l president dla jonta Luis Durnwalder, raprejentanc politics, na mujiga selezioneda y n cor dla Val Badia. En vender, ai 14 de dezember, zelebrarà l vescul Wilhelm Egger la santa messa y da mesdì él vedù dantfora na audienza privata dla delegazion pro l Papa Benedet XVI. Domesdì, da les 16.00, vegniràl empié les lumes dl legn da Nadel che ti darà la paruda nadalina a duta la Plaza de San Piere entratant les festivités da Nadel dant porta. Les speises per l tai dl legn y l costiment de trasport, entourn a 10.000 euro, se à sourantout i 5 comuns dla Val Badia, sostegnus da la region Trentin-Sudtirol, da la provinzia de Bulsan y da n valgugn sponsors privac.

 

Cliché lassoura per engrandì les fotos:
 

Free Image Hosting at www.picturetrail.com Free Image Hosting at www.picturetrail.com

 
Liams emparentés
· Deplú sun l tema Val Badia
· Chier te noeles


L articul plu liet te chest tema Val Badia:
Mareo per i maroi: na Talsprache nueva


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.385 seconc