benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Enduneda generala dl istitut ladin Majon di Fascegn
scrit ai 03 December 2007 da les 18:20:37 da noeles

Fascia

Majon di Fascegn: rencuré l passé y jì con i temps moderns

Cuer dla ativité dl istitut ti ultims agn é stés i projec entourn a la informatisazion de strumenc linguistics

Senteda anuala dl istitut cultural ladin "Majon di Fascegn" enier domenia tl museo Ladin de Fascia tla sala Heilmann. Na ocajion desche vigni ann preveduda dal statut per ti lascé alsavei a duta la jent l laour fat via per l ann y per ti fé conesce i maiours projec che an se tol dant. Sibe per l mudlon de jent ruvé adalerch che per les autorités ruvedes a la senteda pòn rejoné de na enconteda garateda che à confermé ciamò na outa tant strent che al é l liam anter l teritore, les istituzions y l istitut. Da chest pont de veduda pòn ben dí che truepa ega é regoruda sot i ponc y che l laour fat dal istitut cultural ladin deventa tres majer. Al é n laour che vegn aprijé da la comunanza y n laour che se confronteia con i temps moderns, con internet y con dutes les tecnologies nueves da garat.



La presidenta Mirella Florian à envié via la enconteda anuala ti portan dant a la jent domandes, propostes, dijan che la jent é dassen emportanta tl projet de crescimonia y smaiorament dles ativités istitut. La presidenta à ence recordé l laour dejout dal istitut via per l ann 2007, sies scomenciadives editoriales, si projec, si studes y sies enrescides che deida la mendranza ladina a tegnì aut l livel de sia cultura y de tegnì vare con i temps.
La poscibelté de podei tré a nuz les potenzialités de internet é, enscì à dit l diretour Fabio Chiocchetti, na bona basa per resolve problems, zeche che an ne pò nia lascé sun na pert. Da agn laóren pro l projet TALL che é n adum de strumenc linguistics-informatics con coretour ortografich, archif y analisdaour de tesc', dizionar y banca de dac. Chestes tecnologies nueves pò daidé la jent ladina a scrive plu saurí y miec sie lingaz. L istitut é ence dret atif tl ciamp editorial con audio-libri y dvd che ti dà prestije a la cultura y a la recordanaza storica dla valeda. Entratant l ann 2007 él vegnù publiché n clap de libri: sun Simon de Giulio y Maria Pavarin Piaz y n valgugn libri per mutons. An seghita con l projet informatich "Scrin" olàche al vegn cataloghisé l material museal te passa 15.00 schedes video, audio, fotos y documenc. Sun les ativités dl museum à rejoné plu avisa Daniela Brovodan y Evelyn Bortolotti. L president dla comunité de val, Leonardo Bernard, ti à sport n rengraziament fort al istitut per sie gran laour a ben dla comunanza. Te chesta ocajion él ence vegnù prejenté l "Calender Ladin 2008" che vegnirà tost partì fora te duta Fascia.
Domenico Volcan
Strumenc linguistics-informatics on-line dl Istitut ladin "Majon di Fascegn" da garat sun internet - Da enjonté atira pro vosc preferis!!

Coretour ortografich con editing
Coretour zenza editing
Corpus linguistich
Banches de dac (ence terminologiches)
Dizionar fascian (Dilf)
Dizionar dl Ladin Standard (Dls)

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.383 seconc