benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La touta de posizion dla Svp de Gherdeina: deguna fondamenta logica
scrit ai 30 November 2007 da les 19:22:26 da noeles

Politica

Ivan Lezuo: les afermazions dla Svp de Gherdeina ne à deguna fondamenta logica

Ampez, Fodom y Col se ova bele damané de resté pro Sudtirol denant che al fossa la Svp - Afermé che l destach de Gherdeina y Badia da Sudtirol fossa fatal y tl medem temp dí che la colaborazion soura i confins é assé ne à deguna fondamenta logica

Sun l comunicat stampa dla Svp de Gherdeina entervégnel l storich y ex-president dla Comunanza Ladina a Bulsan, Ivan Lezuo, a chel che al ne ti à nia plajù cerc referimenc storics che straouj do sia minonga l significat dl referendum. Fora de uega él da tré ca "la provinzia ladina" y contraditor tamben l sostegn a la politica de Mussner che rejona demeztroi de "colaborazion", ma che defat deida daven con sia politica, l ejempl plu eclatant é l boicotaje al ladin scrit unifiché.



Chesta é la letra daverta che Lezuo ti à mané al sourastant dla Svp de Gherdeina, Stefan Runggaldier:
"L raion SVP de Gherdeina pò samben se paré contra na unité ladina y na reunificazion di trei comuns da Souramont con Südtirol, ma al messessa mefo l motivé con argomenc obietifs y da fondament. A Vost entervent él da ti tegnì decontra:
1. Sce vos dijeis che sen ence i ladins da Souramont se à finalmenter entenù che la politica de mendranza dla SVP é de suzes y "lungimirant", spo straojeise la realté. Te 85 agn de despartizion sforzeda à i trei comuns con petizions, memorandums y deliberes de comun tres manifesté sie dejidere de se unì endò con i ladins de Südtirol, canche l'autonomia fajova ciamò si prums varesc y la cassa dla provinzia ne fova nia ciamò tant plena. An pò spo dretant dì che al é l raion SVP de Gherdeina che se enten finalmenter dles ghiranzes da souramont.
2. La contestazion che al sie cerc certli politics che sburla do per na provinzia ladina y l destach de Gherdeina y dla Val Badia da Südtirol é zenza fondament. Dijedenes preibel publicamenter inoms, partis y programs che pò confermé cie che Vos dijeis! Zenza é Vostes acusedes demé insinuazions speculatives con viadedò fins propagandistics.
3. L'afermazion che l destach da Südtirol de Gherdeina y dla Val Badia é n gran dann per duc i ladins, depierpul che tl medem temp proveise de impedì l'unificazion di trei comuns da souramont con Südtirol, dijan che na colaborazion soura i confins fora sie plu che assé, ne à net deguna fondamenta logica.
4. Preibel ne stede nia a adoré l referendum per encenscé la politica dla Volkspartei, ajache al n'é nia dut aur cie che slumina. Al se porta empò pro che te Südtirol él les condizions per na dreta politica de mendranza y che ales à tla maiour pert ence dé si fruc. Te chest pont sonsi a una.
Dit chest él cler: chi che ne mostra nia dant sies veires intenzions, se envadadleia tres deplù te n grum de contradizions."


glossar
daidé daven= fé valch a dann (gherdeina judé daven, daven=cialà, demez)

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: La touta de posizion dla Svp de Gherdeina: deguna fondamenta logica (ponc: 1)
da travers ai 30 November 2007 da les 17:57:01
(Infos sun l utilisadour | Ti mané n messaje privat)
Chi che propon colaborazion empede reunificazion messessa jì dantfora con l bon ejempl te sia ciasa. L assessour Mussner y siei amisc dla SVP ne à nia demé boicoté demeztroi l ladin scrit unifiché -conditio sine qua non y fondamenta dla unité ladina - ma à finamai sclut fora i idioms fascian, ampezan y fodom dal panorama politich linguistich ladin de Südtirol. N bel ejempl de colaborazion interladina, signour Mussner!




Re: La touta de posizion dla Svp de Gherdeina: deguna fondamenta logica (ponc: 1)
da Jandaniel ai 02 December 2007 da les 13:43:33
(Infos sun l utilisadour | Ti mané n messaje privat)
Cie che "colaborazion" vuel dì per Mussner é duc che sà, ala é na parola vueta, ciamò piec, colaborazion tl sens negatif da mete rams tles rodes olàche al perduj. A Cortina ti volòvel tò la definizion de comun ladin. Ampezans y fodoms enjignesse ca n bel cest de uefs frac, sce Mussner essa ciamò n iade da jì da souramont via. Chi se merìtel.



Re: La touta de posizion dla Svp de Gherdeina: deguna fondamenta logica (ponc: 1)
da travers ai 02 December 2007 da les 16:39:43
(Infos sun l utilisadour | Ti mané n messaje privat)
Per chi che se enteresseia de logica
La SVP é al 100% per la reunificazins di ladins, Mussner, si raprejentant a BZ, é al 100% decontra, ergo la SVP é al 100% contra...pardon, per la nominazion de Mussner per les lites provinziales dl 2008 (Pressemitteilung dl 12.11.2007).
La Partei à dagnora rejon (sciche perauter la Bibia)!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.393 seconc