benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Istitut Ladin
scrit ai 27 November 2007 da les 18:30:08 da noeles

Fascia

Majon di Fascegn: duta la jent é envieda

A la reunion generala en domenia, ai 2 de dezember, da les 15.00 inant - Al vegnirà prejenté n valgugn strumenc informatics, l Calender Ladin 2008 y les ultimes publicazions dl istitut

Desche vigni ann végnel ence  chesta outa endrezé via aldò dl articul 10 dl statut dl istitut cultural ladin “majon di fascegn” la radunanza generala che sarà en domenia, ai 2 de dezember da les  5.00 domesdì tla sala multimediala “L. Heilmann” dl museo ladin de Fascia a Sen Jan. Al vegnirà prejenté les ativités desfiledes, i resultac arjonc y i projec vedus dantfora. Te chesta ocajion vegniràl ence trat n bilanz dl ann de laour. L Istitut se à dé ju con empegn tl realisazion de produc inovatifs sibe tla leteratura che tl ciamp dl lingaz.

 



Te chesta ocajion vegniràl prejenté n valgugn strumenc informatics nuefs che é sen a la leta te internet y che abina adum dutes les ressourses linguistiches laoredes fora dal istitut y da si partners ti ultims agn: i dizionars, l coretour ortografich y l regoi de tesć fascians y dles autres variantes ladines dolomitanes, strumenc de gran utl y aiutoui per duc chi che adora l ladin per laour o per pascion.
Tla radunanza vegniràl tamben prejenté les ultimes publicazions dedes fora dal istitut cultural ladin che ti à chest ann resservé n festide particolar a l’interazion anter desvalifs mesi de comunicazion. Al sarà da vedei “en antepruma” l Calender Ladin 2008 che à chest ann desche argoment la “joneza ladina”, retrac de tosac y de joegn con l guant da zacan touc ju da Giuseppe Weiss de Bastianela da Vich.
Dut l domesdì dla domenia da les 15.00 a les 19.00 pòn ti dé na ciutieda debant al museo y an pò compré les publicazions dl istitut a n priesc arbassé. L istitut enveia de cuer duta la comunanza a tò pert a chest moment de confront y a porté dant osservazions, propostes y conseis. (eb)

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.379 seconc