benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

MPL - Enduneda generala a Urtijei ai 24 de november 2007
scrit ai 25 November 2007 da les 17:53:34 da noeles

Politica

Adi Demetz: al é dret emportant tò pert a les lites provinziales 2008

An ne sà nia ciamò cie modus lital che vegnirà apliché - Critiches sun co che la Svp de Gherdeina se à astilé pro l referendum da souramont

Image Hosting by PictureTrail.comL MP Ladins sta scemplamenter per na raprejentanza autonoma di ladins, fora di schems politics di autri partis. Al é davert a vigni colaborazion, ma vuel sté sun sies giames. "Tles valedes ladines y te Sudtirol val debujegn de chesta alternativa democratica", enscì la convinzion. Chest él ence vegnù reconfermé enier domesdì, ai 24 de november 2007, a Urtijei pro la assemblea generala. Al manciova una dles seves plu emportantes dl moviment, Carlo Willeit, che é puere te ospedal y ne à nia podù tò pert. Gran mueia pro l MP Ladins che da les lites dl 2003 él ju mancia la raprejentanza a livel provinzial, enlaouta con la gambarela dl assessour cherdé F. Mussner. A chesta maniera ti él ence ju mancia al moviment visibelté y mesi finanziars. Te chisc ultims agn se àn conzentré sun l'ativité ti comuns, olàche formalmenter é l MP Ladins demé raprejenté ti comuns de Gherdeina, ma informalmenter ence tles listes de paisc tla Val Badia. Truepes é stedes les iniziatives a livel comunal y souracomunal, p.ej. seires de informazion, toutes de posizion y ence de orela curta per i amisc dl partì. Iregolarmenter él ence vegnù dé fora plu edizions dl sfuei "Ladins". Passa 200 persones à tout la cherta.

 



La chestion che enteresseia l plu é samben cie che l MP Ladins à intenzion de fé pro les lites provinziales dl 2008 che ruva tres plu damprò. L president Heinrich Demetz (Adi) à dé pro che "do avei perdù l scagn tl consei provinzial é la situazion plu ria". Al é vegnù valuté la situazion, ence tolan su contat con valch autri partis per enrescì valch formes de alianza. La miour cossa fossa samben candidé da soui. Sce la lege litala ne vegn nia mudeda ju jìssel debujegn per 1 n scagn tl consei entourn a 5.000 oujes, depierpul che con mandat plen, coche la Svp spenj con sia lege litala nueva, en jìssel debujegn 9.000. Demetz à constaté con plajei che "enfin a sen ne ti éla nia garateda a la Svp de fé jì tres sia proposta de lege litala con lim" y al spera che la opisizion a Bulsan ti "tegne permez a la Svp, che vuel introduje a Bulsan contra n lim lital contral che ala se para tant dassen a Roma". A sostegn di ladins él ence na sentenza dla Court Costituzionala, la n. 356/98, che dij clermenter che na lege litala tla provinzia de Bulsan ne pò nia contegnì n lim, chest a sconanza dla esprescion politica di ladins. L problem é che la Svp pò fé aprové na tel lege litala tl Consei. Ala jissa spo regolarmenter en doura y permò dedò - do la iregolarité - podéssela vegnì plureda dant dal TAR y dant da la Court Costituzionala, na prozedura encompra, dal moment che entratant jissa la lege empò en doura. Heinrich Demetz à dit che, condut les dificoltés, él dassen emportant da se prejenté a les lites sciche forza politica, con cie candidac y dantaldut con chi a cef, é dutaorela da sclarì ti proscims meisc. L MP Ladins peia via zenzauter da na posizion dassen endeblida envers al 2003.

Referendum da souramont
    Image Hosting by PictureTrail.comSun l referendum dassen positif da souramont à Ivan Lezuo, professour y storich, tegnù na relazion, spligan ciamò n iade i aspec storics dla dezijion che ne fova dantaldut nia demé de natura economica, ma dantaldut motiveda da fatours storics. Lezuo à dassen critiché i comunicac dla Svp "ladina" che à strumentalisé l resultat referendar per si fins. Emprumadedut él fauz dì che l movent é che i "ladins da souramont à vedù ite la politica de suzes dla Svp", ajache dal 1919 él sté n grum de ghiranzes di comuns ladins da souramont de vegnì metus endò pro la provinzia de Bulsan da olàche ai fova vegnus destachés, te temps che al ne fova nience na Svp. Fauz él ence rejoné de na "provinzia ladina", ajache chest ne à nia da en fé con la domanda referendara che fova "Voleise che l teritore di comuns de Anpezo, Col y Fodom vegne destaché da la region Venet per fé pert integranta dla region Trentin-Sudtirol?" y nience con l MP Ladins che ne à mai abù te sie program de tel istanzes. Demé chi che laora contra l'unité y l'identité di ladins la tira ca maliziosamenter: la Svp de Gherdeina che à la basseza de la desmené empera ence te chest moment de gran ligreza a souramont per l resultat referendar storich.
Georg Moroder, conseier di Ladins tl comun de Urtijei, se à baudié che i ombolc de Gherdeina à fat la gonela pro l referendum. Baudi él trueps che à demé na "ladinité funzionala" per ruvé pro valch contribut. Walter Kaslatter à dit curt y cler: "Mussner y i omolc de Gherdeina decontra, na cossa da se daudé dassen". Per cie che reverda les lites 2008 se aòden che l referendum da souramont sie ence na stiza nueva per l'identité di ladins de Badia y de Gherdeina.
Sciche president él vegnù confermé per aclamazion Heinrich (Adi) Demetz che vegnirà sostegnù da na jonta de 10 persones con enciaries ciamò da partì su:  Roland Thaler (redadour dl sfuei Ladins),  Hans Trebo, Lois Castlunger, Markus Willeit, Willy Costamoling, Livio Senoner, Ulrica Goller, Georg Moroder, Eleonora Senoner y Claudia Bertuolo, plu Carlo Willeit. 

 

 Colfosch: al vuel ester n pachet per i ladins
 Colfosch: reunion generala dl Moviment Politich Ladins
 Simpose dl Moviment Politich Ladins: les rejons de na politica autonoma
 Lista Ladins: coliament anter les valedes zenza messei paié n daz
 Ressoluzion dl MP LADINS a revert n daz o la scluta di joufs
 Moviment Politich Ladins: reunion generala 2005 a Selva
 La lista LADINS se organiseia danuef 
 Reunion generala di LADINS 2004 a Colfosch
 Sentenza dla Court Costituzionala n. 356/98: lege litala dl 1998

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.361 seconc