benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L SPELL do la delibera
scrit ai 01 March 2003 da les 12:09:07 da noeles

Ladin Standard

 

"N ann de paussa, de reflescion y de revijion"

En juebia, ai 27 de fauré, se à abiné a Urtijei les unions y istituzions portadoures dl projet SPELL do l fat dla delibera. En general ùrten boces sclutes, Hugo Valentin, president dl MdR: "na senteda de laour  y basta" o resservedes, segn che an ne vuel nia roviné cie che an à bele arjont. La resposta é chela che l projet va inant y che an vuel naouta ruvé l program che an à bele metù man, dantaldut l program dla terminologia.



En curt nia da nuef, no positif, no negatif. L'imprescion che an à, é chela che an vuel avei n ann de reflescion per studié miec l program, fé n'autra reflescion terminologica tres l miorament de valch esprescion y programé n pue miec l laour. La parola adoreda é l'annum sabbaticum, n ann de paussa per dé na odleda zenza prescia de ruvé a valch de definitif, n laour de control per mioré cie che al é vegnù fat. Les stredes resta davertes, ence sce al sarà puech moviment. Nia ciamò madura la proposta de n curs de ladin standard on-line. Na tatica per ne sciautrì degugn. An é dant da les lites y an ne vuel nia crié festidesc a chi che laora ence tl ciamp politich.(uc)


 
Liams emparentés
· Deplú sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: L SPELL do la delibera (ponc: 1)
da travers ai 01 March 2003 da les 14:53:11
(Infos sun l utilisadour | Ti mané n messaje privat)
Mo ci é pa pordërt SPELL? Na sozieté segreta finanziada cun scioldi publics? Le consëi d'istitut MdR à adoré n valgügn menüc per aprové la delibera Mussner cuntra le LS, sën pél che an adores n ann de reflescion por savëi co jì inant. Tan de tëmp adora pa le dirertur y le consëi d'istitut por fà fora n program: n ann?!!? Te vigni atra organisaziun publica o privata gniss de te' managers porcurà por incompetënza.
Düc sà che tambëgn le diretur che le patrun de facto dl istituit, l assessur ala cultura ladina de BZ, à da se arjigné ca por les lites da d'alton y che ai ne ò nia avëi "rogne" politiches (te Gherdëna). Le scenario é tres l medem: bele dan da n valgügn agn â l presidënt d istitut da inlaota - sce, tres l medem - sarè ia le proiet te cassëta por ne desturbé nia sü compagns de partì de Gherdëna. Le lu müda le polan mo nia le vize: che mienen pa chilò de podëi tò por l cü?



Re: L SPELL do la delibera (ponc: 1)
da giatfosch ai 01 March 2003 da les 14:11:57
(Infos sun l utilisadour | Ti mané n messaje privat)
riflesciun, segn? riflesciun de ci vers?
chi che é paiês cun scioldi publics messass begn dé cunt al publich de ci ch'ai fej.
almanco insciö foss l'etica de na buna aministraziun publica.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.414 seconc