A recordanza de Josef Rampold
Vedl diretour dl sfuei todesch Dolomiten che ti à dé lerch sot a d'el ence a na plata "Da la Ladinia" sun scomenciadiva dla Union Scritours Ladins Agacins
La plata "Da la Ladinia" tl sfuei Dolomiten à perdù tla persona de Josef Rampold sie fondadour. Canche Rampold é deventé tl 1981 "Chefredakteur" dl sfuei Dolomiten, do la mort de Toni Ebner, él sté meso de pié via con la rubrica "Da la Ladinia". Na persona saurida da traté empera, inteletual davert, sciché y tl medem temp umil, dagnora enjigné a lascé vegnì permez, zenza fé aspeté. Vigni termin vegniva respeté. Ence sun streda, canche an l encontova, fòvel tres simpatich y valent. Plu iadesc onse abù l'ocajion de rejoné empera te sie ofize.
Al fova enteressé a la plata per i Ladins y a chest fin nes òvel ence cherdé a na senteda deberieda con Bepe Richebuono, Luis Mahlknecht. Al se aodova na bona colaborazion con l Istitut cultutral "Micurà de Rü" y en particolar con sie diretour, Lois Craffonara. El enstes se à festidié de fé scrive per ladin sun l Dolomiten i inoms dles localités ladines, o altamo de i mete dlongia al inom todesch. L prum responsabel dla rubrica, che tl meteman se clamova "Da les cinch valedes", fova sté Bepe Richebuono. Canche chest à desdit sia colaborazion desche responsabel, nes à Rampold cherdé ite danuef per audí da nos l inom dl responsabel nuef dla rubrica che é spo deventé Luis Mahlknecht. Stimé Josef Rampold, dret bel dilan per tia colaborazion. Idie Te scinches la pesc. (bv)
