benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Referendum da souramont: la bandiera ladina ressoresc endò
scrit ai 02 November 2007 da les 18:12:14 da noeles

Ampez

Te chel moment savòven: "chisc é i colours dés dant al popul ladin"

La bandiera ladina, nasciuda ai 5 de mei dl 1920 sun jouf de Frera, ruva endò a onours - Na moda nueva che vegn ence deslarieda da www.ladinstyle.com

Na bela novité de chest referendum é ence cie che i ampezans se à dut lascé tomé ite per viventé de colours ladins la campagna pre- y do-referedara: cazines o ciuries che an dij fates a ciauza con fii di colours ladins, cocardes da mete sun l piet y vetes/pintes a trecia da mete entourn al col. N grum de bandieres ladines fova ence tachedes fora sun truepes ciases. Duc é restés con la bocia daverta a vedei chest mer de colours en la festa de rengraziament dantenier a Cortina. Na moda plajoula che fajarà scola. L simbol dla bandiera fova ence da vedei sun duc i placac referandars tachés fora. Te Fascia vegn la bandiera ladina promovuda dal stilist Alessandro Anesi tres n grum de aplicazions sun l guant al sit www.ladinstyle.com (ciala reclam a man dreta). La bandiera ladina é nasciuda dl 1920 te n temp de gran pericul per dut l popul ladin canche ladins de dutes les valedes, badioc, maroi, ampezans, fodoms, gherdeines y fascians se à abiné sun jouf de Frera a reclamé sie dert de esistenza. Ala é veramenter na esprescion de volei souravive. La nié, desche valch fej encuei, vuel dì nié l popul ladin.

 



La bandiera ladina é nasciuda ai 5 de mei dl 1920 canche al se ova abiné sun jouf de Frera 70 raprejentanc dles 5 valedes ladines, gherdeines, badioc-maroi, fascians, fodoms y ampezans, per protesté contra la niazion dl dert de autodeterminazion y dl reconesciment desche grup etnich ladin da pert dla Talia. L sfuei "Der Tiroler" reportova enlaouta: "Te chesta ocajion, canche duc chisc raprejentanc fova abinés sun Jouf de Frera tl chiet dles belezes de sies Dolomites, vedòvei tant brum che sie ciel fova, tant blancia y adorbenta che la neif se destenova sot a si piesc y tant scurs-verc che i pec fova tles vals dessot. Te chel moment savòvei che chisc y degugn d'autri fova i colours dés dant al popul ladin: brum-blanch-vert!"

 
Liams emparentés
· Deplú sun l tema Ampez
· Chier te noeles


L articul plu liet te chest tema Ampez:
Aiut Alpin Anpezo: Granmarcé de cuer a Ra Regoles


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Referendum da souramont: la bandiera ladina ressoresc endò (ponc: 1)
da Claudio ai 04 November 2007 da les 08:58:40
(Infos sun l utilisadour | Ti mané n messaje privat)
Complimenc ai ampezans, fodoms y chi da Col che ai tol ciamò la bandiera ladina. Sen savonse ence olàche al é i drec ladins. Per oportunism végnela da nostes pertes lasceda demez, enfinamai pro la festa di 30 agn dl istitut ladin MdR ne fòvela nia da spié.
La ligreza che vegn da souramont é grana y nos son contenc de la partì empera.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.370 seconc