Mussner preibel dà les demiscions!
L conseier dl comun de Mareo, Nicol Alberti se damana les demiscions de Florian Mussner do sia intervista tla Dolomiten di 27.-28.10.2007 te chela che al dij endò n iade nò al referndum
Stimé Dr. Florian Mussner, raprejentant tla Provizia de Bulsan dla mendranza ladina, empruma de dut volessi ves dì dilan per dut cie che I eis fat te chisc agn per i Ladins. Ma al me desplej tal plu sot dal cuer che i ne ves seis nia metù dla pert dal referendum de nosc fredesc d'Ampez, Col y Fodom. I seis sté contra y chest vuel dì che I ne eis nia plu l dert da raprejenté la mendranza ladina te Sudtirol. Chest vost comportament ti à tout la legitimité a vost mandat y a vosta persona. Na tel situazion é politicamenter sce nia istituzionalmenter nia sostegnibla, desche sce na oma ghirassa i derc sun n mut che ofizialmenter ne reconéscela nia!
Sce al ne sarà nia l caje che Vos deis les dimiscions de Vosta bona, preitambel no minede da podei raprejenté dal 2008 la mendranza ladina tla provinzia de Bulsan. Chest fossa n tort de grandeza straordinara, na ofenuda a l'unité de n popul y na saita tl cuer de nos ladins.
Senzieramenter
Dr. Nicol Alberti
Aconsiadour de Comun - Al Plan de Mareo
Per la cronaca: Nicol Albert, conseier marou, à porté dant ai 23 de otober 2007 tl consei de comun de Mareo la mozion che dut l Consei à dé pro a oujes unanimes, de cherdé la popolazion ladina de Col, Fodom y Cortina d'Ampez a dì "SCI" al referendum, ti dàn la plena solidarité.
