benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Veia dl referendum a souramont: n comentar
scrit ai 24 October 2007 da les 19:19:08 da noeles

Politica

Ti cuers busieiel n grumon de speranzes

Sce al gareta l scì, sarà l comité da souramont, i "Amisc" y les presidentes Elsa Zardini, Cristina Lezuo y Paola Agostini i "peresc" y les "omes" dla nueva patria ladina - Trueps à daidé, ma trueps à ence cialé demez

3.415 litadours fej fora l quorum y la maioranza
 
I litadours a Ampez, Fodom y Col é dut adum 6.828 (3.213 ei y 3.615 eles) partis su sun endut 8 sezions. A Cortina ései de 5.191, partis su sun 6 sezions; a Fodom 1.234 te 1 na sezion y a Col  403 te 1 na sezion. En domenia pòn lité da les 8 a les 22 y en lunesc da les 7 a les 15. A na moda che l referendum sie valoul méssel vegnì arjont l quorum dl 50% plu 1 di litadours scric ite a les listes litales, vuel dì 3.415.
Ciamò doi dis y spo la reflescion. Oramai cie che é fat é fat. Tl calender dles manifestazions él ciamò prevedù valch conferenza chilò y dailò. Ma al é cler che l gran laour é ruvé y che an ciala sen souraldut a les persones, a sia bona volonté y coscienza ladina. Francamenter speronse che les does condizions per la validité y la positivité dl referendum vegne realisedes: l “quorum” y la maioranza di “sci”. Penson bele a podei tó demez valch tofla, per ejempl chela de Ciaulonch con la scrita “Provincia di Belluno - Regione Veneto” y chela do Toblach. La provinzia de Bulsan se desleria fora y ala met nos ladins plu damprò.

 



Tl cuer busieia n grumon de aodanzes, nia demé pro chi da Souramont, ma ence pro nos dla vedla provinzia. I joufs ne sarà nia plu confins, ma demé joufs. Les valedes ne sarà nience plu despartides aladò di idioms, ma ales sarà dutes demé ladines. N soul vilin de biesces da plu colours. Finalmenter na soula familia tla medema ciasa. Na soula scola, na soula gliejia, na soula giurisdizion. Na soula union di ladins abineda con chela di comuns. Na soula direzion turistica y di trasporc. Na soula organisazion dl temp lede. Na toponomastica souraldut ladina y e.i.
N mond completamenter nuef con n flé cotant plu ampl. Na cossa mai proveda. Demé bele chest pensier dovessa spenje a lité “scì”. N bon iade na comunanza che fej sies propostes, che controleia sie teritore. Na mendranza plu sterscia, plu renomeda a livel mondial. Na mendranza che ciala tla medema direzion, no a man dreta y no a man ciancia, ma inant, adum inant.
Sce an pensa a cie che al nes pò vegnì da n referendum positif, di “sci”, spo veiden ite cler ch'an à fat massa puech per enjigné endretura l resultat dl referendum. L laour é endò vegnù fat demé dai privac, dai idealisc' y chisc desferenziés per valeda. Te chest vers é stés chi dla Val Badia n ejempl formidabel. La vejinanza con Fodom, Col y Ampez i à veramenter sburlés a se mostré fredesc concretamenter. Les istituzions publiches à demé cialé pro. Na ezezion à formé i comuns dla Val Badia che à tout pert tres si ombolc a la informazion dla jent da Souramont. Ai se merita n laut , ajache an veid che ai à ciamò na coscienza ladina y nia demé na preocupazion economica. N laut spezial ti speta al comité “Amisc dla Ladinia unida” y a si colaboradours. N laour y na bria fantastics y bonamenter con spenules personales. Propi n bel dilan de cuer! Sce al passa l referendum spo pòn zenz’auter clamé chisc “Amisc” deberieda con la Consulta da Souramont i “Peresc dla patria futura”. Les omes de chesta patria nueva é samben les trei nueves “Caterines Lanz”: Elsa Zardini, Paola Agostini y Cristina Lezuo. Dassen na burta figura à fat i partis. Sce an tol fora i “Freheitlichen”, Eva Klotz, Durnwalder y Lista Ladins, che à dit francamenter sia minonga positiva se aodan de vedei chi da Souramont n dì pro Bulsan, spo méssen dí che i autri s’à contenté demé de valch minonga personala, per l plu entorta y enteresseda. Dutes les polemiches sautedes fora anter Belun y Bulsan ne fossa bonamenter nia stedes sce i Ladins de Trent y Bulsan essa organisé deberieda na gran manifestazion per mostré clermenter sia coscienza ladina y sia volonté de ester unis a si fredesc da Souramont. Encandenò àn asconù via vigni sentiment per fé plajei a la politica de Roma y a valch president de Region. Resultat: na “camorra” politica y l endebliment dla coscienza di litadours che à l’imprescion de ne ester nia daldut benvedus da Bulsan y da Trent. Al é vegnù fat massa puech tegnan cont dla aveniment en chestion. Valgugn à fat truep, ma la majera pert nia de nia: no privac y no publich. Propi da moié! Ma empò: Aodanzes de cuer, Souramont. Coraje, y dedenes n gran ejempl de ladinité . (uc)

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Veia dl referendum a souramont: n comentar (ponc: 1)
da medo ai 25 October 2007 da les 01:27:22
(Infos sun l utilisadour | Ti mané n messaje privat)
Porsones y Draguns

Emparè da lí danter les plates fora, tal cör dles porsones, è na côssa der ria. I crei che der püc sides bogn da le fa. Ci che nos ne capiun nia, chel che nos ne sun nia bogn da meter a nosc medemo livel, a chel ti dunse nos l’ennom “tema”. Les “temes” è descho le dragun por San Florian. La dejfaronzia chel n’è nia tal se temei o ne se temei nia – la dejfaronzia sta te chel da chel che te messes te temei – da cî co te fej tema - dal dragun - o dla tema che te proes por le dragun enstessa? San Florian se temea dal dragun, no dla tema che cösc ultim ti fajea sontì.

Les parores de na porsona, sora, fraciada te en piz, co con l’armere en deit su é bun da deloje la realté da vigne dé, mo messa en pó fa chel co ti vegn dit – cheres é secundo me parores sonza valur, porciodi ch’an sá belo olâ ch’an va a sbater. Libertes de espresciun de na realté picera y stronta, dessoghü tré plü mendra dla Val Gardena en stessa.

I Ladins á 2000 agn de storia. I cineji 5000.
I Ladins dles dolomites è, plü o manco, 24000, I cineji en miliard i mez.
Tal 2007 edl döt le monn co baia dai cineji, y düc s’à dejmuncé dai Ladins. I Ladins, i indiani d’america, i Tibetani, i Taiwanesi, i Armeni –düc chisc se someia zacó, mo pöl.




Re: Veia dl referendum a souramont: n comentar (ponc: 1)
da Claudio ai 25 October 2007 da les 15:37:54
(Infos sun l utilisadour | Ti mané n messaje privat)
Chilò me végnel en ment na letra publicheda sun www.amiscdlaladinia.info scrita da don Floriano Pellegrini (Zoldo - Belun) che se bat da n valgugn agn per l reconesciment dles rejons di ladins tla provinzia de Belun y sen ence per l referendum:

Coi di Zoldo, 4 settembre 2007


Caro dottor Marco Pizzinini,
ad un certo punto, ieri sera, mentre stavo facendo considerazioni varie sull’impegno che dedico alla Comunità ladina, ho provato una sensazione di freddo lungo la schiena; mi è apparsa una specie di luce, un’intuizione: sì, è una di missione anche questa, perché il contrario è rappresentato dalla tacita accettazione di un genocidio e io non voglio macchiarmi di questo.
Mi sono svegliato tardi, ma pur sempre in tempo per dire: «Basta!».
Ho voglia di lottare.
Non ho premura di vincere, ma so che vincerete e io con voi.
La prossima occasione è come fosse l’unica: ad essa dovranno essere dedicati tutto il sangue dell’impegno, tutto il calore del cuore, tutto la luce della mente.
Anche chi non ho disponibilità finanziarie, può avere il coraggio sufficiente per osare.
Uniti, adesso nella fatica, un domani nella gioia della conquista.
Dio aiuta chi ama il bene e noi vogliamo il trionfo del bene di un intero popolo.
Una lunga notte sta terminando, sta per giungere l’alba, che, nell’impegno vi troverà desti, preparati, finalmente riuniti.
E’ il tempo di agire, delle giovani energie: è l’ora!
Pronto a fare quello che posso, anch’io sono a disposizione. Quando, un giorno, ci vedremo negli occhi, avremo il piacere di stringerci la mano; ora lo faccio nello spirito; è mio dovere e mio onore. Sono persino un po’ commosso di tutto ciò.

Con leale amicizia.
Don Floriano Pellegrini






Re: Veia dl referendum a souramont: n comentar (ponc: 1)
da marco ai 26 October 2007 da les 11:02:37
(Infos sun l utilisadour | Ti mané n messaje privat)
Trepes personalitês ladines dla politiga, economia, turism, scora y cultura etc. n´à nia orü o podü to posiziun sö le referendum.
Po me n´è cösta jont nia plü credibla can che eres se mostrará tal publich por cuestiuns ladines.
Can che l´egoism, l´oportunism é maius co l´idealism spo baiunse mat plü de bandires.
Tla ladinia anse trepes bandires.....


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.386 seconc