benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Dal Pordoi a Katzenau: recordanzes de Maria Piaz
scrit ai 22 October 2007 da les 18:46:46 da noeles

Fascia

"Dal Pordoi a Katzenau", recordanzes

de Maria Pavarin che conta n trat de storia dl Nuefcent te na publicazion nueva dl Istitut Cultural Ladin "Majon di Fascegn"

En juebia, ai 25 de otober, tl Palaz Trentini a Trent, con a la pert la vizepresidenta dla Jonta provinziala y assessoura a la cultura dla Provinzia Autonoma de Trent Margherita Cogo, y en vender, ai 26  tl Museo Ladin de Fascia a Sen Jan vegniràl prejenté la publicazion nueva dl Istitut Cultural Ladin “majon di fascegn” dal titul “Dal Pordoi a Katzenau. Una vita in Val di Fassa nel primo Novecento”. Al se trata dl’edizion, sun papier y sun CD audio, de n document de bendebot de enteres per la conescenza dla storia del Nuefcent dla comunité fasciana.

Maria Piaz de Pavarin.

 



L liber abina adum la conteja en pruma persona di evenc vivus endana la Gran Vera da Maria Piaz de Pavarin, la “mere dl Pordoi”, sor de Tita Piaz. Con sia ousc, touta su te na registrazion de passa does ores touta su da sie nevou Franco ti agn '60, nes conta Maria de canche ala é vegnuda sareda via dai austriacs y dedò interneda a Katzenau per avei daidé doi trentins che volova s'en sciampé “ju per la Talia” per ne messei nia jì te vera. A ti dé n cheder ciamò plu rich de detais de chi agn de struscies y de padimenc él ence passa cincanta letres che Maria Piaz ti à scrit a sie fi Francesco dal confin, y ciamò apede valch scrit autobiografich y na documentazion fotografica cotant enteressanta.
La storia de Maria met en cler ence i mudamenc economics entravegnus te Fascia y tles Dolomites, cis dal scomenc dl Nuefcent encà: con sie coraje y sia capazité de lieje i evenc y da se adaté a les situazions nueves, é Maria Piaz steda bona de envié via n’ativité turistica che ti agn do à pié damprovia plu lerch y che te curt temp à fat strassomié la vita, la strutura soziala y l’economia de chesta y de autres valedes da mont. Na storia “al feminin”, che, desche an pò lieje tles paroles dantfora, nes met dant la vita de «na ela, de na mere, che te na sozieté ciamò domineda dai oms à sapù da testimonié la dignité y l valour dles femenes, zenza arlasc o blaga anticonformista, ma con l coraje, l spirit de sacrifizie y l idealism».
De chest volum, cuart titul dla morona “Studes y enrescides”, se à festidié con pascion y profescionalité la studiousa y storica fodoma Luciana Palla, ja autora dl liber sun Tita Piaz dé fora l ann passé dal Istitut. (eb)

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.418 seconc