benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Zeche ne và nia tla Generela
scrit ai 25 September 2007 da les 18:48:01 da noeles

Politica

Olà é pa la Generela? 

AI 21 DE MESSEL DÒVEL ESTER NA SENTEDA DLA GENERELA: AN NE À PODÙ FÉ NIA, AJACHE AL NE FOVA FETER DEGUGN PRO SENTEDA  , UNIONS DI LADINS DE BADIA, GHERDEINA Y FASCIA SPARIDES

Al é tres vegnù dit che l fin dla Union Generela di Ladins dla Dolomites fova chel de tegnì adum les valedes ladines dl raion dles Dolomites altamo dal cianton cultural y folcloristich, ajache ales é politicamenter y giuridicamenter separedes. N laour dassen rie, plen de festidesc, n laour da tegnì en pé con gran diplomazia, ova dit plu iadesc y scrit te na letra la ex-presidenta dla Generela Hilda Pizzinini. L liam anter les valedes garatova tres les Unions de valeda y che deberieda formova l’Union Generela. Ti slogans, ti discursc, tles cianties podòven tresfora audì l envit a resté unis, a formé altamo culturalmanter la "gran Ladinia".



Dut chest per 50 agn alalongia y cie àn pa arjont? N bel nia, enfin a canche les trei Unions da souramont: Ampez, Col y Fodom à vedù ite ch’an messova mudé streda, renunzié a l’autonomia folcloristica y n pue culturala y laoré y traté deberieda con i comuns, brancé ite ence tla politica. Les trei Unions da Souramont s’à prejenté deberieda a les aministrazions comunales y deberieda: Unions y Comuns à metù su la Consulta da Souramont. Tl temp de apeina doi agn é  chesta Consulta bele ruveda a arjonje l referendum per i 28 de otober che vegn. Propi sen che la Consulta da Souramont essa debujegn dl sostegn dla Generela, s’à chesta trat endò. Per envidia? per ester vegnuda metuda te n secont scialier?, per via de sies evidentes incapazités?  Les Unions de Badia, de Gerdeina y de Fascia é sparides. Ai 21 de setember messòvel ester na senteda dla Generela con sies Unions. An n’à podù fé n bel nia, ajache al ne fova feter degugn pro senteda. N spetacul propi miserabel, desche miserabiliscim fova steda la mainfestazion per l Dì dla Unité di ladins de messel. Les Unions pèr deventedes apolitiches: ales se tem de perde i contribuc finanziars sce ales deida chi da Souramont. Per daidé chisc àl messù vegnì metù su na Union aposta: Amisc dla Ladinia unida, che n’à no finanziamenc, no locai, no strumenc aladò, dut demé frut dla bona volonté de privac, de persones che à ciamò coscienza ladina. La Union di Ladins dla Val Badia à dé fora da puech l liber “Sas dla Crusc”, n scrin de patuc vedl, de folclor y nia per l futur. L dret gran futur depen dal referendum y de chest nia de nia y ala se clama dutaorela ciamò  “Union di Ladins”?  Ence l sfuei “La Usc di ladins” ne se recorda nia cis ch’al é n referendum dant man y propi te chest moment dàla fora n insert de 60 plates persoura les eles y sie laour impede de avei ordiné n stude per motivé la jent a sostegnì l referendum. L cervel se en é ju daldut. Plutost de crié futur tla unité, féjen “feminism”. Gran ora che l post y la funzion dla Generela vegne touc ite da La Lia di Comuns che fajarà cosses concretes y no demé slogans: “Ladins, tegnon adum, la forza vegn dal grum”. uc

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.26
Oujes: 26


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Zeche ne và nia tla Generela (ponc: 1)
da travers ai 25 September 2007 da les 16:58:50
(Infos sun l utilisadour | Ti mané n messaje privat)
A una con la analisa de UC en cont dla Generela, ma nia con sia minonga o speranza finala: che la Lia di comuns "fajarà cosses concretes y no demé slogans". Cie àla fat fina sen la Lia? N per de sentedes, n statut, per l rest àn mené dut cant "alle calende greche". L referendum inveze porta adalerch n vent nuef, positif, concret; i saperon che al ne ti vae nia fora l fle a nosc Amisc dla Ladinia unida.



Re: Zeche ne và nia tla Generela (ponc: 1)
da christian ai 29 September 2007 da les 14:16:16
(Infos sun l utilisadour | Ti mané n messaje privat)
I Amisc dla Ladinia Unida va inant con ligreza y impegn por ti dè flé al'importanza de na Ladinia unida che nia düc n'à ciamò capì.



Re: Zeche ne và nia tla Generela (ponc: 1)
da marco ai 30 September 2007 da les 09:15:50
(Infos sun l utilisadour | Ti mané n messaje privat)
Nosc comité da informaziuns ai fredesc da Soramunt y proa da sensibilisé la jont de Gherdena, Fascia y Badia. Cösta cosa n´è nia der saurida, trec é por na reunificaziun, trec á pora (sogü nia giustificada) da perde val contribut. Magari ierunse ince de massa, cis dai mass media, mo la RAI ladina mess sen sogü fa deplü. Al é ince 5 minuc dan les 12 por les asociaziuns culturales!!
Lasciun da pert les polemiches, sen eseres de dann a düc, i se conzentrun sön nosc laur. Les discusciuns a plü tert.



Re: Zeche ne và nia tla Generela (ponc: 1)
da Jandaniel ai 26 September 2007 da les 18:53:24
(Infos sun l utilisadour | Ti mané n messaje privat)
Ie rate dret emportantes les paroles de Siro Bigontina. Al à dit "Per nos se àl daurì" na sfenta. Tant die pa endere? I parlamentars aunejians scraia bele da n pez ju a Roma che chesta sfenta dess endò vegní petoneda pro, desche ala fova dant l 2001 con n iter aladò dl art. 132 nia da realisé, ma con la reforma dl 2001 ben. Se arjumé via chesta ocajion fossa valch de grief, do che dantaldut la Generela à 50 agn alalongia dagnora trat ca la unité di ladins, encuei a lieje chest articul, plutost sciche n "molin dles orazions".



Amisc dla Ladinia unida (ponc: 1)
da christian ai 30 September 2007 da les 11:46:50
(Infos sun l utilisadour | Ti mané n messaje privat)
Al ne po nia ester che i ne daidunse nia, porchёl desmostriun nosta solidarieté.
I pici grups linguistics à debojügn de ćiamó plü aiüt.
La tera ladina dolomitica pò ester na chance sce ara è unida.
Le turism, la cultura y le lingaz adora n funz unitar por le dagnì de nosta mendranza preziosa. Lasciun l’ sёgn y sotscrivun nosta solidarieté a nüsc amisc ladins.
Scincunti a nüsc mituns la poscibilité da podёi modelé y ti dé forma a ći che ёi sont por so ester ladins, dunti na chance, a chi co n’è nia “ladins” da podёi l’ester tres l’amizizia y nosc coraje da se daurì al monn encёr nos sia. Porchёl firma inće tö töa poscibilité da tì dé pêsc ai ladins co spera tres ciamó da podёi roé adöm.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.508 seconc