Referendum: informazion y discuscions 

VIGNI JUEBIA SEIRA DA LES 20.30 VÉGNEL TEGNÚ CONFERENZES-DEBATES DE INFORMAZION TL PALAZ DLES POSTES A CORTINA - TRASMISCIONS SUN RADIO-CORTINA  

Defata ésen a n meis dant al referendum a Anpezo, Fodom y Col. La sajon da d'isté é do les sciables y al é gran ora da pié via con na informazion y discuscion entourn al referendum. La  comité referendar per la reunificazion dla Ladinia a Cortina d'Anpezo, con a cef Siro Bigontina, lascia al savei n valgunes iniziatives che vegn metudes a jì te chest temp dant al referendum di 28/29 de otober dl 2007. Con placac, seires de informazions y jolantins deventaràl n auton ciaut y storich per i comuns ladins da souramont y per duta la Ladinia.  Ence ta Fodom végnel metù a jì conferenzes y seires de informazion.

Vigni juebia seira enfin ai 25 de otober vegniràl tegnù tla sala cultura - Palaz dles Postes a Cortina d'Ampez  da les 20,30 conferenzes-debates de informazion sun tematiches desvalives. La proscima, endoman juebia seira, ai 20 de setember, sala Don Pietro Alverà,  à sciche tema: "Realté economica y ambientala di trei Comuns de Anpezo, Fodom y Col", reladours é Enrico Ghezze - president dl Consorz emplantisc'  portamont de Cortina d'Ampez y component dl Consei Dolomiti Superski y Dino Fava - ex assessour provinzial al ambient, soze fondadour dl comité  talian C.I.P.R.A. y soze fondadour de S.O.S. Dolomites.

L comité envieia duta la popolazion a tó pert, sclut ite i certesc y scetics, melsegurs o contrars, per se confronté francamenter y avei na debata busienta con brances de reflescion
a rai ampl a na moda che duc posse sclarì sies idees y se arichì.

Vigni mertesc y vender, da les 12.00 trasmet Radio Cortina entervenc con esponenc dla vita soziala, economica dl paisc.

I orars dl pont de informazion é chisc: dai 20 de setember ai 4 de november 2007, duc i  dis da les 09,30 a les 12,00 y da les 16.00 a les 19.30.

Zent Ladina Dolomites  - Se spirit enier y encuei. Dl 1945 fova i ampezans dret atifs politicamenter: memorandums, jolantins, petizions - documentazion storica

Referendum: cumpeida a la redousa - Siro Bigontina: al se à daurí na sfenta per nos

Col y Fodom tl secul passé - Liber metù adum da dr. Ivan Lezuo. N laour ghirent de bendebot de valuta. Sun 417 plates végnel splighé per menù la vita y les antervegnudes tles viles fodomes y ja Col.

La republica ampezana - Valch scliguc sun l raion, les regoles y la storia de Ampez, la bela ciavuelera encertleda dai plu biei creps dolomitics

Fodom nominé l prum iade tl 1027 Sia storia é endere cotant plu vedla. Relazion de Ivan Lezuo en gaujion dla senteda de refondazion di scizeri da Fodom - Con truepes fadies à i paurs runcé tla valeda - I signours se stritova

Ampez, Col y Fodom se merita l sostegn de duc! per se scluje permez a la la region Trentin-Sudtirol