l cuartier, i posc’ de laour, la formazion y la comunité ladina fora dles valedes
La Consulta per i problems ladins a Bulsan envieia en lunesc, ai 10 de merz, da les 20 tl Zenter Pastoral, Plaza Parrocchia 3 - Bulsan a la seira de informazion y discuscion sun n ciamp tematich ampl: "L dret ambient sozial y cultural per mantegnì la identité y la comunité ladina ence fora dles valedes: l cuartier, i posc’ de laour , la formazion y les manifestazions culturales, i mesi de informazion y les relazions con i autri doi grups".
al rejonarà:
dr Ludwig Castlunger (Istitut Provinzial de Statistica): La cumpeida dla jent 2001.
dr Carlo Willeit (Vizepresident dl Consei provinzial): L proporz y i posc’ de laour
Dolores Dariz (Presidenta dla Consulta per i problems ladins dl Comun de Bulsan): - L cuartier – un di problems plu sentis - La promozion culturala
dr Giovanni Mischì: Basta pa l’oferta dles strutures y di servisc per i ladins che viv fora dles valedes?
aldò de sia esperienza rejonarà: Walli Steiner Schmid
a la seira tolarà pert ence: dr Florian Mussner (Assessour ladin) y dr Werner Stuflesser (President dl EURAC)
