benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Referendum a souramont: ultims svilups
scrit ai 15 September 2007 da les 23:42:55 da noeles

Politica

"Sasto che".....

L "STUDIOUS" Y SCIZER OTHMAR MORODER DE URTIJEI É VIADÒ L JOLANTIN ANTI-REFERENDAR PARTÍ FORA VIA EN AMPEZ

La "Regula Ladina" é n fenomen che degugn ne é bogn da se splighé, auter, poester, che te  Gherdeina. Sie spirit ne é nia limité a valch esponent isolé ma al comana  encuei la politica ladina te Sudtirol. Ciunes les motivazions che sta viadedò? Rie da dì avisa, ma les fusties meina  dutes dl medem vers: l senn a l’unité di ladins.  Redont pro l referendum da souramont àn endò vedù che an ne scona nience con fauzités, sciche tla chestion dl ladin standard. Propi te chest ciamp pòn vedei coche la Regula condizioneia la politica ladina te Sudtirol: medemes idees y enfinamai medema terminologia. L’oposizion a la koiné interladina, chela “Kunstsprache massa taliana”, unesc  la Regula, l assessour Mussner  y i ombolc de Gherdeina. Per defene la “rujeneda dl’ava”, alias sia  “Muttersprache”, ne pesimeien nience a juté ju per chegadoi l bon sens  tolan l talian sciche lingaz ofizial dla Lia di comuns ladins. Na contradizion che degugn ne capesc fora de Gherdeina, no a Bulsan no a Roma.

La bela fopa ampezana te soredl da d'auton. L comité contra-referendum fej na campagna de bas livel. 

 




   
"Sasto che" al me plej de fé dejinformazion
Ernesto Majoni, diretour di neo-ladins de Bourcia a cef de n grup de informazioe per l nò.
N scizer de Gherdeina sclopeta contra i scizeri maroi, fodoms y ampezans . La realté, i documenc storics ne conta plu nia
 
Ma les contradizions ne se chieta nia chilò: depierpul che la Svp “ladina” adum con L. Durnwalder ti deura la porta ai ampezans y fodom seghita i “regulanc” a perdiché contra “chi mec talians” da souramont. 

    L dot. Othmar Moroder de Urtijei, prejenté te n sfuei di neo-ladins da Belun desche "studious de problems ladins", dà ciamò n vare plu inant y ti dà na man ai neo-ladins a descredité i ladins y  al comité anti-referendum de Ampez con a cef  Ernesto Majoni (diretour dl istitut di neo-ladins a Bourcia de Ciadoura) ti deidel conduje la campagna anti-referendara. I neo-ladins tl Beluneis é da sie nasce encà en contraposizion con i ladins de Ampez y Fodom, liés storicamenter ai Ladins dl Sela. L prum sfuei dé fora da chest comité é  vegnù metù ju aldò di ponc dés dant da Othmar Moroder enstes. N segn che Moroder ti vuel tant ben ai ampezans che al fej dles dutes per i tegnì dalonc da Sudtirol. L jolantin partì fora ai ultims de aost dal titul "Sasto che" contegn na lignola de domandes con laprò respostes da fé sperde, degunes spligazions, ma al vegn depent i gran pericui. Input de Moroder: te Sudtirol cherscéssel la cumpeida di talians y chest cheriassa “pesanti squilibri” y metessa en pericul “i vantaggi goduti dalla popolazione sudtirolese”. Per desmostré sie amour altruistich per i ampezans ti féjel vedei les gran dificoltés che ei essa sce ai essa da vegnì pro Sudtirol. La “proporzionala” che é do sia minonga  n ben per i sudtiroleisc, fossa endere n dejaster per i ampezans. Nost spezialist de cosses ladines, che dess avei studié  ”ius”, ne dij nia a cie moda che la proporzionala sie de utl per chi da Bulsan ma fossa tant ria per i ampezans. Sce al studiassa n pue miec la chestion, spo vedéssel ite che ala á  vantajes ence per i ampezans y fodoms. Al vuel spo sperde i ampezans con la storia dl bilinguism y enfinamai dl trilinguism. I ampezans sà duc l talian y ence i talians de Ampez capesc l idiom ampezan y perchel ne vàl  debujegn no de bilinguism  no de trilinguism per chi che resta te Ampez. Che i ampezans empare ence ben l todesch é dessegur n gran vantaje per l turism y sie svilup economich.
  
    Fora de post é ence l festide de Moroder per la gliejia. Sce al dijessa cie che al é suzedù tl 1964 y ciuldì, spo capíssel atira che al é logich che les plovanies ruve endò pro la diozeja de Bulsan. Sce Roma y l Vatican á volù enlaouta che la diozeja jissa do i confins provinziai, spo él cler che ales tocassa da ruvé endò, y poester con gran plajei, sot a Bulsan.
 
    L scizer Moroder se tem spo che al ae da sauté fora na vera anter i ladins desche ai temps dles opzions tl 1939. La jent sceria da encuei ne à nia chisc problems. Mienel  mo te Gherdeina y Ampez?  Chest volessa dí che al enstes rata i gherdeines fanatics. Dut l tort ne éssel nia sce an ti ciala ai resultac dles opzions dl 1939 y ai fac suzedus ti agn  sot l rejim nazist tl Alpenvorland.
 
    Per l rest tres la medema traina: la chestion dla unité di ladins che do sia minonga ne é mai steda, nience la aspirazion y é demé na baujia. Chest ti déssel lascé dí ai ampezans, ai storics che conesc la storia de Ampez, p.ej. ai studiés de storia: Richebuono, Lezuo, Heiss y de autri (souraldut todesc) che é a una che la unité á sie fondament storich, linguistich y cultural. (ji)
 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.446 seconc