benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

UAL: lignola de encontedes de informazion
scrit ai 14 September 2007 da les 21:23:36 da noeles

Fascia

L zitadin y les istituzions: se entene miec 

LIGNOLA DE ENCONTEDES DE INFORMAZION METUDA A JÍ DA LA UNION AUTONOMISTA LADINA TI PROSCIMS MEISC TE FASCIA

L raport con la aministrazion publica é gonot caraterisé da la puecia conescenza dles istituzions da pert di zitadins. Chestes loces de informazion vegnudes fora ence da la enrescida sun l Comun General de Fascia fata da puech anter la popolazion di comuns ladins tla provinzia de Trent, é bendebot de empediment nia demé per n dialogh frutoul y che dae sodesfazion anter zitadin y ofizes publics, ma ence per na partezipazion d'utl y enredenta da pert dla comunanza a la vita soziala y aministrativa.

 



Da chestes reflescions y dal debujegn de scomencé via n troi nuef de responsabilisazion dla comunanza de Fascia, tla prospetiva dla gran endesfida de autonomia y auotogovern che la reforma istituzionala à metù tles mans dla popolazion ladina con l’istituzion dl Comun General de Fascia, él nasciù l’idea da pert dl’Union Autonomista Ladina y dl conseier provinzial Luigi Chiocchetti de endrezé n zicle de conferenzes dal titul “L zitadin y les istituzions: entene coche ales laora per podei se entene miec” / “Il cittadino e le Istituzioni: capire come funzionano per poter dialogare meglio”.
Chisc apuntamenc vuel ester na ocajion per arvejiné i zitadins a la aministrazion publica y a sies modalités de funzionament per ruvé a entene miec si mecanisms y per sauridé n dialogh frutoul anter zitadins y ofizes publics.
 
Les scontredes, da les tematiches plu desvalives, jirà do a chest calander:
 
 
Mercui ai 19 de setember da les 20,30 Sala de Consei Comun de Moena
"Gli elementi e il significato dell'autonomia del Trentino: un'identità speciale"
Reladour: Dott. Gianpaolo Andreatta – bele dirigent dla P.A.T. y  vedl member dla Commiscion di 12
Duc sà che l Trentin é na provinzia autonoma con n statut spezial per rejons storiches, ma fosc ne sà nia duc coche chesta spezialité vegn adoreda tla provinzia y i vantajes che ala sporj envers a les autres regions dla Talia.
 
Vender ai 5 de otober da les 20,30 Sala de Consei Comun de Cianacei
"Il difensore civico e le garanzie di imparzialità nel rapporto tra cittadino e pubblica amministrazione"
Reladoura: dot.a Donata Borgonovo Re – defensoura zivica 
 L’azion de la Aministrazion publica envers i zitadins cognessa dangora ester imparziala, frutoula y trasparenta, ma él dagnora enscì? L defensour zivich straverda chisc derc di zitadins y arsegureia y sostegn l plen respet dl’imparzialité y l’ecuité tl’azion dla publica aministrazion.
 
Mercui ai 17 de otober da les 20,30 Sala de Consei Comun de Cianacei
"Il ruolo del comune e i suoi rapporti con la provincia come si concretizza nel comune l'autonomia del Trentino"
Reladour: dot. Giuseppe Negri – rejent dla repart. afars istituzionai Region Trentino-Sudtirol
 
La spezialité autonomistica de nosta provinzia à efec ence sun i comuns y ti raporc che chisc à con la Provinzia. Cie vuelel pa dì fé pert de na Provinzia Autonoma y ciugn é pa i vantajes?
 
Mercui, ai 31 de otober da les 20,30 Auditorium dles scoles mesanes de Poza
"Il COMUN GENERAL de Fascia e le nuove competenze. Quali prospettive future per i comuni di Fassa?"

Reladour: dot. Gianfranco Postal – dirigent general departiment afars y relazions istituzionales PAT
 
Encuei  é l Comun General de Fascia na realté y sia istituzion é na ocajon storica per Fascia per se dé na forma de autogovern con de nueves y maioures competenzes envers a les autres Comunités de Val dl Trentin. Cie se mùdel pa per i comuns? Ései enjignés a chesta endesfida?
 
Mercui ai 14 de november da les 20,30 Sala de Consei Comun de Moena
"Gli enti locali come promotori dell'economia e dello sviluppo territoriale"
Reladour: dot.a Livia Ferrario – responsabla Servisc autonomies locales PAT 
Region, provinzia y comun ne é  nia “na machina burocratica” ma pert de chela rei de atours dl teritore, indispensabla per mete a jì te na otica de sinergia, l svilup economich y sozial dla comunité. 
 


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.358 seconc