II. Trienala ladina: con I. pest "Richard Agreiter"
I ARTISC' CERNUS: GIANCARLO LAMONACA, IVAN LARDSCHNEIDER, ISABELL PITSCHEIDER, ROLAND SENONER Y WILLY VERGINER
En vender, ai 31 de aost, végnel daurì tl Museum Ladin Ciastel de Tor a San Martin la II. Trienala Ladina, na esposizion d’ert de artisc' ladins che vegn metuda a jì vigni trei agn sun n tema dé dant. Enviés de onour é danterauter l Minister ai Interns dl'Austria dr. Günther Platter, l president dl govern provinzial dr. Luis Durnwalder, l assessour a la cultura ladina dr. Florian Mussner y l’assessoura a la cultura todescia dr. Kasslatter Mur. La introduzion y la spligazion dl pest artistich "Richard Agreiter" dal cianton de veduda storich-artistich, vegn fata dai conescius critics d’ert dr. Guido Molinari y da mag. Günther Moschig. A la pert él tamben l president y l vize-president di museums provinziai dr. Bruno Hosp y dr. Heinrich Huber y samben l’artist Richard Agreiter enstes.
Richard Agreiter pro l laour.
L
|
Richard Agreiter , n artist dla scultura - "Anter i artisć d’aldidancuei tol ite Richard Agreiter n post particolar. Sies scultures de bron gareta deplen te sie ambient creatif y chest tl dret sens dla parola.” |
 N tesour da tegní cont
La Ministra per Afars Foradecá dl'Austria Benita Ferrero Waldner se á tout la bria de vegní enstessa a daurí l'esposizion de Richard Agreiter: n ladin ruvé forapert con les opzions de Hitler-Mussolini dl 1939 vegn endò a ciasa - Per el él sté l'esposizion plu scomoventa |
a comiscion de esperc metuda adum da Guido Molinari, Alessandro Riva, Letizia Ragaglia, Ilse Thuile y l diretour dl Museum Ladin Stefan Planker à chirì fora chest iade chisc artisc' per la Trienala: Giancarlo Lamonaca, Ivan Lardschneider, Isabell Pitscheider, Roland Senoner y Willy Verginer. L tema de chesta edizion 2007 fova l "juech" y i artisc' cernus à enjigné ca, vignun a sia maniera y con sies vijions estetiches laours tles formes artistiches plu desferentes che va da la fotografia al dessegn y da la scultura a les instalazions. Pro la daurida dla Trienala é tamben prevedù la sourandeda dl I. pest artstich de scultura "Richard Agreiter". Ala se trata de n pest dé fora dal Museum Ladin Ciastel de Tor sun sponsorisazion dl artist Richard Agreiter, metù en pé per premié artisć dl Tirol storich y con l fin de promueve la scultura. L artist Richard Agreiter, é nasciù l ann 1941 sun l luech de Fornela a d'Antermeia tla Val Badia, y ruvé deberieda con sia familia fora a Steinberg am Rofan tl’Austria per gauja dles opzions dl 1939. L individualism, la tendenza al etern y l’inmudabelté é les mersces fondamentales dles scultures de Richard Agreiter. La figura umana y la natura à per el bendebot de emportanza. Al descuer con na gran sensibelté l mister dl’estistenza umana. L artist à ciafé dant n valgugn agn tl Ciastel de Tor na luegia per sia ampla oura artistica, ajache al se sent dutaorela dassen lié a sies raijes ladines. A sie onour végnel sen metú a jí chest pest de scultura "Richard Agreiter". La comiscion dl pest artistich fova metuda adum da Guido Molinari, Alessandro Riva, Letizia Ragaglia, Ilse Thuile y en raprejentanza de Agreiter ence Günther Moschig. La comiscion à atribuì doi seconc prems ex-aequo a Gerhard Demetz de Selva per sie laour “I want to be flexible”, per ester sté dret enjignoul de rejoné n lingaz nuef tres la scultura de legn y a Hubert Kostner de Ciastel, per sie laour artistich “Accessorie”, per sie savei da se confronté creativamenter con les marevueies naturales dles Dolomites. Te sie projet de fateza conzetuala végnel pié su la forza estetica dl dl material lié a la tradizion. Daurida dla esposizion, en vender ai 31 de aost da les 6 da seira tles sales dl Museum Ladin a San Martin de Tor. La mostra restarà daverta enfin ai 31 de otober dal mertesc a la sabeda da les 10.00 – 18.00 y la domenia da les 14.00 a les 18.00.
