Alexander Girardi, n ampezan a Graz
L'Union di Ladins d'Ampez à fat traduje dal todesch tl talian la biografia sun "Alexander Girardi - Ein Wiener aus Graz", de Beatrix Schiferer, deda fora dl 1975 da la Ciasa Editoura "Jugend und Volk". La publicazion é vegnuda fora de november dl 2002 y chest per na gauja dut auter che da tralascé: Alexander Girardi é ben nasciù a Graz (dl 1850), ma al fova fì de na vedla familia ampezana.
Sie pere fova ampezan y s'ova trasferì a Graz per motifs de laour. Sun 120 plates, arichides da bendebot de retrac (a blanch y neigher), prejenteia l liber les dificoltés y les arjontes de Girardi canche al s'à afermé desche atour pro l'opereta vieneisa, te si temps d'or con Johann Strauss. Dret d'utl les truepes notes detaiedes che raprejenteia n pice "excursus" sun n tema o n personaje de chel che al vegn fat na zitazion tl liber. Sovenz conéscen fosc l inom, ma nia dagnora i detais biografics o les carateristiches prinzipales. La biografia sun Giraradi é imposteda scientificamenter, ma ala conserveia n carater popular. Ala deida conesce plu davejin chesta personalité simpatica de provegnenza ampezana sun chela che al foss dessegur interessant tegnì na enconteda de stude tl luech de si besavons.
Don Floriano Pellegrini
