benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Referendum a souramont
scrit ai 11 August 2007 da les 19:11:04 da noeles

Politica

Durnwalder: nos se sention dret amisc di ladins tl Beluneis

LA STAMPA BELUNEISA É TI ULTIMS DIS PLENA DE ARTICUI - LES MOTIVAZIONS STORICHES DI TREI COMUNS NE GIATA ENDERE NIA SIA DRETA LERCH - AL VEGN DEMÉ REJONÉ DE PRIVILEGS

Chisc dis él vegnù fora sun la stampa beluneisa na lignola de articui olàche l president dl Venet, Galan (Forza Italia), cuej dal senn per gauja dl referendum de Ampez, Col y Fodom. Al acuseia endò l president dla jonta dla provinzia de Bulsan Durnwalder de daidé "promueve l referendum". Durnwalder se defen, ma al à bele dit che sie arat tl consei provinzial de Bulsan tl caje de n referendum positif, sarà tamben positif. Samben, les rejons y les gaujes storiches di trei comuns ladins vegn corides via dai scrais de Galan contra i "privilegs" dles regions autonomes.

Luis Durnwalder.



    Per cie che reverda l referendum dij Durnwalder: «L colegh Galan sa avisa che no la provinzia de Bulsan ne l á volù y nience la Svp. La ghiranza de referendum é pieda via dai comuns enteressés, da zitadins de sia region. Da nosta pert - enjonta Durnwalder - ne onse mai damané n ampliament de nost teritore, ma i on dit cler che i sention sentimenc de amizizia sota devers i ladins tla provinzia de Belun. Degugn ne à mai cialé de influenzé les dezijions de chestes comunités che tolarà sia dezijion en plena autonomia. Galan fajessa miec de enrescì les gaujes che à condut la jent a se damané l referendum empede scraié". Galan: "Él o ne él nia veir che si parlamentars a Roma ti fej adentene al govern de Prodi a Roma l spaventadl de cheles doestrei oujes che al vuel ester per fé governé Prodi? Él o ne él nia veir che chi che somieia de trapiné tla provinzia de Bulsan ne l fej nia tant per podei rejoné ladin, ma demé ajache tla provinzia de Bulsan pluevel deplù euro da la Talia che dutes les steiles che toma tla nuet de San Laurenz? Él o ne él nia veir che da Bulsan él vegnù mané material de reclam a Ampez per sostegnì la sezescion dal Venet?"

Samben, empede ti sauté ados a Durnwalder, fajessa Galan miec da splighé cie che les doseines de deputés y de senatours dl Venet fej a Roma.

   I tons deventarà plu de fuech, plu damprò che an ruvarà al referendum. En l'ultima edema ova Galan ciamò manacé de recore a la Court Europeica. L problem general dla chestion y negatif é che Galan y l Venet ouj plu y plu la atenzion sun i "privilegs" dla autonomia dles provinzies de Bulsan y de Trent y che les motivazions storiches di trei comuns de Ampez, de Fodom y de Col per ruvé tla provinzia de Bulsan/region Trentin-Sudtirol ruva plu y plu sot a les rodes ite.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.66
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Referendum a souramont (ponc: 1)
da MateoTaibon ai 11 August 2007 da les 22:22:15
(Infos sun l utilisadour | Ti mané n messaje privat)
les ataches de Galan po ester d'ütl; a pert che ares mostra le livel de Galan (bas, desco chel de chi co atacheia le comité tlò tla provinzia da Balsan), mostreres ince val d'essenzial:

Durnwalder i mostra a chi co se cüfa dagnora y se tem y se lascia storje da vigne critica ci che al ô dì: tignì bot!

Chi si fa pecora il lupo lo mangia.

Les ataches de Galan é n mender problem, le problem é chi ladins co ne lascia fora degüna ocajiun por dì publicamonter che ai é por tigní empè la tripartiziun de Mussolini.





Re: Referendum a souramont (ponc: 1)
da marco ai 12 August 2007 da les 08:08:05
(Infos sun l utilisadour | Ti mané n messaje privat)
Durnwalder se desmostra en gran amich dla Ladinia Unida. El conesc nosta stroria valgamia miú co trec ladins y trec taliagn co se mina alangrana y aciömês.
I ladins de Soramunt ti á na gran creta.
Por ci co reverda Galan messun di che le livel de söes critiches é ben daspaont bas, desche nos sun belo aüsês ince da so movimont politich.Te sü argomonc a bun prisc ne baiel mai dal debojügn de na sconanza por i ladins. Sce i 3 comuns da Soramunt romagn pal Venet spo san ince ci che a ti aspeta.



Re: Referendum a souramont (ponc: 1)
da Claudio ai 12 August 2007 da les 09:53:48
(Infos sun l utilisadour | Ti mané n messaje privat)
L gran problem é che al manacia che al side demé na confrontazion sun i "privilegs" dla provinzia de Bulsan y de Trent y da l'autra pert l Venet. I comuns praticamenter empizés demez per gaujes economiches. Les rejons de Ampez, Fodom y Col é endere dantaldut storiches y chest mess tres endò vegnì clarì tla stampa y dlonch.
Sciche Marco scriv ciala Galan ju con despriesc a la chestion ladina y met dut l peis sun la confrontazion. Na campagna orchestreda a Aunejia che deventarà plu y plu sterscia.



Re: Referendum a souramont (ponc: 1)
da christian ai 13 August 2007 da les 03:05:51
(Infos sun l utilisadour | Ti mané n messaje privat)
La Ladinia unida à na forza co va sora confins y partís politichs fora.

Hasta la Victoria por la porsona umana!

Viva la pêsc, al vires la pêsc.

"Nos ladins" podun ester stromont de pêsc. Cherdede ala forza de Osc cör sonzier! Por n monn sonza speculaziuns, sonza dovei derevers al mantenimont dal podei. Ladinia ledia, almanco tal cé y tal cör.

Nos düc sun fredesc y sorus, anfat de ci movimont o partí...

Christian Ferdigg, Al Plan de Mareo


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.392 seconc