benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Toponomastica tla provinzia de Bulsan: proposta puech seriousa
scrit ai 03 August 2007 da les 19:59:21 da noeles

Politica

Toponims, na proposta nia seriousa 

LA PROPOSTA DE DURNWALDER SUN LA TOPONOMASTICA VA A PE DASSEN ZOT 

L president dla provinzia Luis Durnwalder met dant na proposta per la toponomastica. Chesta ultima proposta - mineda ben, tocheda mel - ne sta nia en pé, de degun vers: no dal vers etnich, no dal vers politich, tant manco dal vers cultural. La proposta é zota politicamenter, ajache Durnwalder y la SVP vuel mazé tres la lege sun la toponomastica contra i partis talians de coalizion: an va enscì al confront etnich.



  
Die Karte der Schützen: ein deutscher "Prontuario"
Ausreden und Ausflüchte zur Verteidigung einer nationalistischen Operation durch den Schützenbund
N laour da Valgrata
Les majeres unions todesces: Schützenbund, Heimatpflegeverband, Alpenverein y e.i. se ghira dlonch toponims todesc, ence tles valedes ladines - Furcia deventa "Furkelsattel"
Toponims ladins: an mess mete averda
La proposta de Durnwalder à plu de un n rampin
Toponomastica: la minonga di esperc
I esperc dij: al dess vegní metù en pe na comiscion interladina y vegnì adoré l LS
  Zota ence culturalmenter, ajache an ti lasciassa i toponims - na arpejon culturala - tles mans a  n'istituzion che n'á mo net deguna competenza tl ciamp, y a metodes che é na contradizion a vigni idea de arpejun culturala. Durnwalder fej la proposta che l'ASTAT damane la jent co che an ti dij a n cert post (nia i paisc, chi dess romagne te plu lingac). Y la resposta dess spo vegní ofizialiseda.
Per cie gauja na proposta tant fora de schedra? L prum resultat dla proposta (denant che ruvé ai varesc politics per la realisé): degugn n'é contenc empera. No i partners talians de coalizion, no l'oposizion todescia, no i esperc. Da dì él che l'oposizion de man dreta todescia ne sará contenta con deguna proposta che ne tole nia demez n grumon de inoms talians: sie travert é l'eliminazion de trueps inoms talians (la cherta de Sudtirol deda fora dai scizeri mostra cler la direzion). Dl auter vers é l'oposizon de man dreta taliana melcontenta con dut cie che tol demez ence demé un n toponim talian.
   Ciuldí spo chesta proposta, nia truep dant les lites, che juta benzin sun l fuech ma che ne sciauda degugn? Rie da capì. Durnwalder ova denant fat propostes, una de chestes ence bona - proposta con valch fai ciamò, ma ben enstadiereda: sce bele mete a rise l clima dla convivenza, ciuldí pa per na proposta tant puech seriousa y nia per na proposta fata ben? Rie da capí.


Proposta Durnwalder: al ti mancia la serieté.

    Co pòn pa seriamenter fé la proposta che la statistica - "cie inoms vegn pa adorés?" - dess determiné l'adoranza ofiziala di inoms? Durnwalder vuel a chesta moda ofizialisé i toponims realmenter adorés. Dailò déssel endere se lascé dì valch da esperc dl setour, ma che l'ASTAT vae a damané fora la jent é n'idea fora de vigni criter obietif y tant dalonc da vigni giustizia etnica. Durnwalder l'á mineda bona: al volessa porté a na soluzion la chestion dla toponomastica, che vegn debatuda da agn. La proposta dla statistica dova ester na soluzion pratica per astilé fora la ideologisazion dla toponomastica, chestion de chela che la man dreta taliana y la man dreta todescia deberieda se festidieia da agn che an ne ruve a deguna soluzion.
    Chi jissa pa l'ASTAT a damané? Duc? O demé valch? Ence sc'an damana duc, é chel fosc n'esclujion de fai? Nience n puech, al contrar: al ruvassa ite n grum de fai. Te n raion bilingual o trilingual - dijon chel da Bulsan, Persenon o Bornech - dàmanen les etnies te na maniera ecuilibreda? Y co vegn pa la domanda fata: "Co ti dìjen pa a chel col cassù?" Y te cie lingaz dàmanen pa? Sc'an damana a Antermeia - per fé n ejempl - per todesch co che chel crep à inom, tanc dij pa "Peitlerkofel" y nia Pütia, sce an damana per todesch? Dàmanen pa duc te sie lingaz? Ma a pert: la popolazion n'é nia esperta te toponomastica te na maniera che an posse ti afidé la fissazion di toponims ofiziai. Laprò con l'Astat, che n'á net degunes competenzes de valutaziun tla chestion. Dàmanen pa la jent demé per i toponims de sie post? Chel vuel dí che i inoms ladins de comuns todesc tomassa demez. Chela pò ence jì ben, sce al toma spo ence demez i inoms todesc ti luesc ladins: ma chel ne se lasciará i todesc dla provinzia nia tó. Ai criticheia gen che i talians á i toponims ence per talian (ence can che i paisc é todesc), ma ei enstesc adora per i toponims ladins ence la maiour pert traduzions. Con la desvalivanza che sies traduzions o si inoms storpiés é plu vedli.

    Damané la popolazion ben, ma con studes y analises de esperc: Tré ite esperc, chesta fossa na proposta seriousa. Chest él ence bele vegnù fat. Empede tó ca l'ASTAT per i toponims bastàssel te trueps caji tó ca la cherta dla Tabacco: chest editour cartografich à dé fora chertes dl raion ladin con l aiut de esperc: la provinzia dess sourantó chisc toponims.
  Ma la realté ciala fora autramenter: la Tabacco y l ofize per i parcs naturai à enscì dé fora ence na bela cherta dl parch natural Fanes-Senes-Braies. Y cie fej pa la provinzia de Bulsan?
Trueps ofizes dla provinzia adora inant inoms storpiés, scric damat, o ence demé toponims todesc ... Chilò messessa Luis Durnwalder mete man y brancé ite: con l'aplicazion di toponims ladins da pert  dla provinzia se stala dassen mel. La lege che Durnwalder á metù dant ne portassa degun miorament, inió.

Mateo Taibon

glossar

stadieré fora, enstadieré = ecuilibré, mete sun stadiera


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.517 seconc