benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Amisc dla Ladinia / comité per la reunificazion dla Ladinia
scrit ai 26 July 2007 da les 20:26:09 da noeles

Politica

L comité "Amisc dla Ladinia Unida"

L COMITÉ PER LA REUNIFICAZION DLA LADINIA SE PREJENTEIA Y TOL SU ONLINE ADEJIONS SOT A WWW.AMISCDLALADINIA.INFO AL REFERENDUM DA SOURAMONT - SPENULES BENVEDUDES 

Ai 28 d´otober 2007 saràl i Ladins da Fodom, Col y Anpezo che tegnirà n referendum per podei endò ruvé a fé pert dla Provinzia de Bulsan. Chest é n fat storich per duta la Ladinia. La poscibelté da ruvé adum sot una na aministrazion, do da plu de 80 agn de tripartizion voluda dai fascisć, à na emportanza fondamentala per l souravive de nosta mendranza tl davegnì. Per chesta ocajion él vegnù metù su l comité “Amisc dla Ladinia Unida” per sostegnì l referendum. Al é n comité sourapartitich, metù adum da jent de dutes les valedes ladines y ence da foradecà.



L apel dl comité "Amisc dla Ladinia - Comité per la reunificazion dla Ladinia":

Nost travert é da ti dé
plen sostegn al referendum d’Anpezo, Col y Fodom per la reunificazion dla Ladinia.
Per arjonje chest travert él nosta intenzion da:
 
- aumenté i contac anter les valedes ladines;
- coordiné les informazions per la popolazion adum con l comité da Souramont, souraldut per cie che reverda l referendum, les prospetives y aspetatives di ladins da Souramont da fé pert dla provinzia de Bulsan. Te chest ciamp él na gran dejinformazion y perchel ence na gran melsegurté;
- tò su contac con assoziazions, movimenc y personalités politiches per chirì sostegn y colaborazion per l referendum y la unité dla Ladinia.
 
Nos s’auguron che i seise ence Vos n Amich/na Amica dla Ladinia y Ves damanon Vost sostegn per l ben de nosta mendranza. Chest sostegn podeise nes dé publicamenter sun nosta plata internet www.amiscdlaladinia.info , ma ence con l dé inant chestes informazions anter Vosc compagns/conescenc y tolan posizion sun i media. Per chest Ves dijonse bele sen n gran bel dilan. Tegnon adum, la forza vegn dal grum!
A inom dl comité Ves saluda
Dr. Marco Pizzinini
P.S.: sce i podessais, te chest moment storich, ence nes daidé con n sostegn finanziar, fóssel per nos n gran aiut. Per chest fin él vegnù daurì n cont aposta, intesté al “Comité Amisc dla Ladinia Unida” tla Cassa Raiffeisen/Val Badia, filiala Al Plan, ABI 08010, CAB 58550, C/C 000305021596; IBAN IT 80. Ence de chest ves ves dijonse bele segn n dilan fort!
Coordinadour:
Dr. Marco Pizzinini - str. C. Lanz, 39
I-39030 Al Plan de Mareo


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Amisc dla Ladinia / comité per la reunificazion dla Ladinia (ponc: 1)
da christian ai 27 July 2007 da les 08:05:05
(Infos sun l utilisadour | Ti mané n messaje privat)

na picia poesía:
punsenn ai ladins co chir söa tera da sté deboriada mo tomel val' iade ete le popul d'Israel


Jont ladina



Jont co se proa
y tign adöm.
Jont co dà alberch
a chi co vegn pormez.


Jont ladina.


Jont co partesc
ince con chi co è encería


Jont


Jont co crei tal amur de Chel Bel Dio ... ... ...

Christian Ferdigg


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.376 seconc