benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N comentar al dí dla unité ladina sun jouf dl Sela - 21 de messel 2007
scrit ai 24 July 2007 da les 19:53:29 da noeles

Politica

Dì dla Unité Ladina, Generela en crisa 

PER FORTUNA À L ASSESSOUR LUIGI CHIOCCHETTI Y L PRESIDENT DLA COMUNANZA DE BULSAN, LEZUO IVAN, SALVÉ LA SITUAZION CON SI ENTERVENC STORICS

L’abineda dla Generela de en sabeda passeda (21.07.07) sun l jouf dl Sela é steda zenz’auter n faliment per cie che reverda la partezipazion. Ence sce l’intenzion de salvé almanco valch dles vedles manifestazions che al fova tradizion de tegní en gaujion dl Dì dla Unité Ladina, ai 14 de messel, sun l jouf dl Sela, fova positiva, méssen empò dí che l’organisazion, l enteres per la cossa y souraldut la conscidrazion dl moment storich che sta dant da nos per gauja dl referendum de chi da souramont, é francamenter vegnus manco.
 


   L’imprescion ch’an à é chela che la Generela é dassen en crisa. Ence l debujegn de tegní clausura con i conseis dles unions dles cinch valedes dant la picera manifestazion, desmostra che la crisa é sterscia. Sce an pensa che valch consei de valeda ne à nience tout pert, spo ne pòn dessegur nia pretene che la jent saute adalerch, cis canche la manifestazion vegn anunzieda chindesc, o enfinamei demé ot dis denant. Al é cler che  la jent ova bele si programs. La seira denant él sté l’abineda sun l jouf de Börz  dles personalités dla Svp ladina y todescia: na enconteda de nuet, per sté adum, se la ciacolé, mangé y beive. Plu de cent persones con gran apetit y seit che ne dova nia politisé, "sondern nur das gemütliche Zusammensein im Vordergrund halten und dabei lernen, wie man die Menschlichkeit in der politischen Arbeit vermittelt” , demé fé festa y matié… y bonamenter sun l cont dl partì.  N valgugn é propi fortunés.
    Pro la festa fòvel samben ence l assessour Florian Mussner che l dí do fova ence sun l jouf dle Sela. Deplù persones à osservé ch’al fova scialdi content y se la riova sovenz, poester per l spetacul da la ria en confront a les truepes autorités prejentes la seira denant sun Börz. Tegnan cont de sia ligna politica ne pòn nia ti dé tort. La scleta figura la à dessegur fata n valgugn dla Generela.
    Sce l spostament dl monument di Ladins é sté na bona idea, spo messòvel ence vegnì reclamisé aladò y enjigné ca autramenter. Al dí dla Maratona dles Dolomites pénsen dutalann alalongia, an fej publizité da Bulsan a Roma, per la festa dl spostament dl monument di Ladins de dutes les valedes nience chindesc dis denant y se acontenteia de fé valch telefoneda chilò y dailò. L spetacul da en sabeda sun l jouf dl Sela ti à dé l’ocajion a talians y todesc de se la rì y de coioné l spirit de unité di ladins: valch radio à dit che sce al ne fossa nia sté l cor de Soraga che ciantova, spo ne fóssel sté feter degugn. La vueia  de unité di ladins à propi dé n burt ejempl con l pericul de roviné l spirit de sostegn da pert de talians y todesc per l referendum. Les vertoles per l faliment pò ester n grumon conscidran l moment di laours che é entourn via, l grumon de manifestazions bele enviedes via fora per les valedes y e.i., ma dut chest ne é deguna vertola per l puech festide per la gauja di ladins da pert dla Generela, che ne à nia ciamò vedù ite che l’era dl folclor, dl show personal  é  fineda.
     La streda dl dialogh con i comuns y no demé con les lies de turism, indiché da les trei presidentes dles Unions da Souramont, tolan pert ativamenter a les consultes metudes adum da unions y comuns, chesta é la streda da jí y souraldut da brancé ite con la Lia di comuns ladins. Scraié fora a paroles ch’an vuel sostegnì l referendum y spo dé na tel burta imaja dla vueia de unité de duc i ladins é propi n scandal. Per fortuna à salvé la manifestazion l bel discurs dl assessour Luigi Chiocchetti, che à afronté i liams anter duc i ladins ence storicamenter recordan i documenc. Bel y entusiastich ence l discurs dl president dla Comunanza ladina a Bulsan, dr. Ivan Lezuo. (ji) 

 

L Di dla Unité ladina - Cianacei 2006

 Di dla Unité Ladina: ciacoles é plu de dann che d'utl
 Di dla Unité Ladina: Program dl Dí dla Unité Ladina 2006 a Cianacei
 Ence l Di dla recordanza beleche metù sun somas

I ultims Dis dla unité ladina - Ampez 2005

 Union Generela di Ladins dles Dolomites: program di 100 agn
 N comentar: 100 agn Union Ladina
 100 agn Union Ladina: pruma manifestazion
 Marcia sun la strada de La Vëna
 Les 11 teses per na politica linguistica interladina
 Les paroles dl ombolt de Col Paolo Frena
 Anpezo: Di dla Unité Ladina, 17 de messel 2005
 Anpezo: Inn anpezan
 La storia dla Union Ladina y dla Union Generela di Ladins
 100 agn Union Ladina: codejel informatif y 16 tofles de visualisazion

Di dla Unité Ladina ai 18.07.2004, a Andrac/Fodom:

 18.07.2004 - Di dla Unité Ladina a Andrac ta Fodom: unité combatuda
 N comentar de C. Willeit: demé n fruz de colaborazion culturala ne cleca nia
 Di dla Unité Ladina 18.07.2004: les prumes imprescions
 
Di dla Unité Ladina ai 13.07.2003, a Cianacei/Fascia:
 
 La ressoluzion dl "Dí dla Unité Ladina"
 Cianacei: Di dla Unité Ladina - La fana é sun l fuech
 Dla koiné ladina al Dì dla Unité Ladina à ence rejoné l assessour Mussner

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: N comentar al dí dla unité ladina sun jouf dl Sela - 21 de messel 2007 (ponc: 1)
da christian ai 24 July 2007 da les 17:25:32
(Infos sun l utilisadour | Ti mané n messaje privat)
La presidenta d'onur dl'Uniun Generela di Ladins dla Dolomites, da me der stimada, Hilda Pizzinini à baié der bel en sabeda sön jü dl Sela.

Les parores dl Ombolt da Santa Cristina, stimé Bruno Senoner, à porté ligreza y positivité!

L'ombolt jonn da Fascia à fat n discurs plen de coraje y vijiun.

Le soredl à lascé ester n bel dé co s'la rì en sabeda ai 21 de messé

Nia tan taliagn y todesc dess sostegnì le Referendum, mo i ladins enstesc, tan ennant che ai ô ester y romagne ladins.

Na mendranza è na mendranza y de chera fej pert, te nosc cajo dolomitich, 5 valades 'ladines'

L'europarlamentar Sepp Kusstatscher, con chel che i à albü ocajiun da baié plü dio dla cossa 'ladina dolomitica' dij che al n'è nia na chestiun de sostegns a man derta y man ciampa, mo al è na chestiun de orenté.

I ladins mess orei tó so destin, so dagnì te söes mans.

Christian Ferdigg



Re: N comentar al dí dla unité ladina sun jouf dl Sela - 21 de messel 2007 (ponc: 1)
da Jandaniel ai 27 July 2007 da les 14:34:16
(Infos sun l utilisadour | Ti mané n messaje privat)
Bera Erich, spicoleia demé, spicoleia .....


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.400 seconc