N implant sciche trasport publich, ma con priesc turistics

Chisc dis él vegnù debatù a livel provinzial la chestion dla daurida  dla streda sun Mont de Souc. L'impostazion dla provinzia é de la saré y de limité dassen l trafich ence per la jent dl post. "Sce l implant a condles sun Mont de Souc é vegnù conzepì sciche sostituzion dla streda, vuel dì sciche meso de trasport publich, spo mess chest ence valei per les tarifes" dij la LL che se damana che al vegne desferenzié danter turisc' y jent dl post.

Chesta interpretazion ne pò ben nia ester dreta, ajache l implant portamont é n implant turistich de vigni vers che funzioneia entratant i temps de sajon ai priesc dl schipas.Y la provinzia, con sia regolamentazion, ti oujessa permez tres limitazions de trafich ciamò la jent. Per valch familia dl post podessa enscì deventé tl davegnì na jita sun mont de Souc, conescian i priesc turistics, na aorela curta massa cera. Na desferenzia anter turisc' y jent dl post messessa vegnì fata, miena la lista Ladins.