Sella Ronda Bike Day: chest ann él sté miec
scrit ai 22 July 2007 da les 22:45:46 da noeles |
|
Sella Ronda Bike day chesta outa éla juda miec
CHEST DIJ L COMITÉ DE STRAVARDMENT DI JOUFS DOLOMITICS CHE À AVARDÉ AVISA L DÍ DLA MANIFESTAZION
 Do che les polemiches entourn al Sella Ronda Bike Day se à apajé, à ence l comité per l stravardament di joufs dolomitans, presidié da Osvaldo Vinazzer dl hotel Maria sun jouf de Pordoi, trat sies conclujions. L comité rata che i organisadours dl Bike Day se ae chest iade festidié de ti jì plu adencontra a les ghiranzes di ostiers y di boteghiers sun les stredes di joufs. An se à tegnù al orar de scluta y de daurida dles stredes sciche programé y an à smendrì enscì certes tenjions. Ence per cie che reverda l azes ai tours organisés che ova bele aposté, àn arjont na soluzion acontentoula.
- An se baudia endere che al ne é nia vegnù metù a jì cheles azions promozionales de compensazion che i organisadours ti ova empermetù y che al ne é nience vegnù endrezé via n servisc de bus alternatif. Emplù ne é la informazion nia steda tempriva y detaieda desche l comité de stravardament se ova damané.
- Per cie che reverda la partezipazion ti resulteiel al comité che al é sté en chesta outa demanco passajes y danz nia i 11.000 che i organs de stampa à deslarié encantourn. Per cumpedé i passajes fòvel vegnù metù does fotozelules: una fova a Selva, dant la bourcia dlongia l hotel Miramonti y una do la bourcia sun la streda che conduj sun Frera. Pro la bourcia dl Miramonti sot al jouf dl Sela él vegnù registré 7.000 passajes y 4.000 a Cianacei. Coche chisc passajes é vegnus relevés ne sàn nia. Chest ne vuel nia dì che al ae tout pert 11.000 rodadours, ajache trueps é vegnus cumpedés does, trei o enfinamai 4 outes. Sce al passa n clap de rodadours registreia la fotozelula demé un n passaje soul, ence sce al en é na clapeda. Donca se tràtel de dac dutentourn nia segurs.
- L comité à enstes metù a jì na azion de cumpededa, sun Col da Ronch a Cianacei, sun Pordoi, cleva de Cianacei y sun Ciaulonch.
|
Pieda via a Cianacei sa Col da Ronch da les 09,30 a les 13,00 |
Pordoi cleva de Cianacei da les 9,30 a les 15,30 |
Ciaulonch da les 9,30 a les 15,00 |
|
|
|
|
|
|
|
|
|
|
Passajes relevés |
Passajes suvers |
Passajes juvers |
Passajes itevers (sens orar) |
Passajes foravers )sens anti-orar) |
|
|
899 |
623 |
4.848 |
4.293 |
290 |
Tanc fova pa i rodadours donca? Da olà vegnívei pa? Avisa ne l savaràn mai. L comité rata che al ne sie nia sté 11.000 rodadours desche reporté amplamenter tla stampa. An à ence fat valch auter relevement a campion: enscì àn constaté che l'eté mesana fova anter i 35 y i 50 agn, che al manciova i mutons y i joegn (demé 4 sun 899). Al fova do rata truepes eles, ma puec grups sportifs organisés de amatours dles rodes. De chisc ultims en àn demé relevé n l %. La maioranza di rodadours fova talians y de chisc la maiour pert da la pert sudtiroleisa, spo da chela trentina yda chela veneta. Donca fòvel dandaldut paijans y nia trueps da foradecà.
Aladò dl comité messéssen organisé chesta manifestazion plu profescionalmenter, definian dantfora con clareza i obietifs che an vuel arjonje (tant de rodadours y da olàche ai vegn), les ventes comerziales y promozionales y raté avisa i cosc' che ala comporta y spo mete sun meisa n projet detaié sun chel che an podessa spo ence abiné ca l consens di operadours turistics sun i joufs.
Glossar
avardé = cialé soura, souravidlé
cleva = tal. "pendio"
bourcia = tal. "incrocio", tod. "Weggabelung - Kreuzung"
temprif - tempriva = bonorif, adora, tod. "frühzeitig", tal. "in tempo"
|
