benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Joufs dolomitics: na imprescion
scrit ai 16 July 2007 da les 20:26:23 da noeles

Politica

Trafich sun i joufs de messel, do rata puech y fluent

OSTARIES MESES-VUETES O VUETES SUN I JOUFS - AUTER CHE RESSA TURISTICA

I Verc veid na majiera de trafich su per i joufs dolomitans. En prinzip sàn che ai é contra dut cie che à da en fé con stredes o infrastutures nueves: enlaouta contra la Mebo anter Bulsan y Maran, encuei contra l tunel de basa dl Brenner y contra l ampliament dla plaza aviatica a Bulsan. Ai vedessa plu gen duc tocés te corieres (nia dagnora adatedes per i joufs) o miec ciamò a pé, vijions che ne se confej endere nia dagnora con la realté dl turism che se muev demeztroi. Per i joufs dolomitics ài ence l sostegn atif dl assessour Mussner, enceben nia daldut te sies intenzions de scluje i joufs a ores. El volessa mete su stanges y scode n daz. Ma él pa veramenter chestes majieres de trafich aricioul sun i joufs dolomitics? Utia Pian de Schiavaneis devers l jouf dl Sela, mesa-vueta de messel. 



En les ultimes does domenies nes onse tout aposta la bria de fé na raida entourn ai joufs dolomitics, n iade de sabeda y n iade de domenia, per vedei tant de trafich che an enconta efetivamenter, sce al é codes, sce an se fej ert da passé o sce al é jent che svaia al our de streda che ne ciafia nia da jì inant o valch de auter. Net nia de dut chest onse podù spié. No, degunes majieres de auti encantourn. Tles prumes does edemes de messel naouta dessegur nia. An pò raté che i dislaour  é l trafich ciamò plu rer. Duta la domenia da enier y en l'ultima sabeda onse dlonch demé enconté n trafich fluent, do rata puech, mindicé valch pice clap de auti endolauter do n camper o na coriera, ma degunes codes, tant demanco longes.  Sun i ours de streda vedòven jent che fajova na picera marena a postern o che stova te valch post dlongia streda a amiré i creps, dantaldut soura Cianacei olàche an à na bela odleda sun i pareis dl Sela y devers la Val de Lasties. A Cianacei él sté enier y dantenier, ai 14-15 de messel, la festa te Anter i Tobié. Chilò fòvel n pue deplù trafich, ma tamben fluent, sibe devers l Sela che devers l Pordoi. É i scrais de n "trafich fora de mesura soura i joufs" te chest temp na blota invenzion? Per ejempl di implantisc' che volessa avei deplù passajiers?  Les uties do streda, olàche i son storc pro, fova en gran pert vuetes o con scialdi puecia jent. An veid che al ne ti joa nience mete fora tofles con "Bikers welcome". La sajon da d'isté é megra y al é plenamenter da capí i scrais de protesta di ostiers y di boteghiers sun les stredes entourn al Sela che à d'isté na sajon scialdi curta.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 2.62
Oujes: 8


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Joufs dolomitics: na imprescion (ponc: 1)
da Claudio ai 18 July 2007 da les 13:50:00
(Infos sun l utilisadour | Ti mané n messaje privat)
Te chesta chestion, desche te tantes de autres veiden clermenter che al ti fala a la SVP na vijion di ladins desche "etnia", desche grup etnich, scenò messéssen vedei ite che les stredes soura i joufs dolomitans ne é nia panoramiches (sciche chela dl Timmelsjoch o auter), ma funzionales, vuel dì ales lieia adum n teritore, les valedes ladines, a na moda che an pò encuei se mueve saurì una da l'autra, tegnan davert ence l contat devers sud. Te chesta ligna politica se enchedra ite daldut regolarmenter: sie famous no al referendum a souramont (assolutamente no), l no al ladin standard y e.i.
Mussner é dessegur l piec politich che i ladins à abù enfin a encuei.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.349 seconc