benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L'assoziazion di clubs di alcolisc'
scrit ai 25 February 2003 da les 12:46:49 da noeles

Ladin Standard

 

Sit internet per ladin standard - http://www.dipendenza.it o http://www.sucht.it

L'assoziazion di clubs di alcolisc' desmostra nia demé coraje tl ciamp sozial, ma ence tl ciamp cultural. Dant da puec dis él ju online la version ladina te ladin standard. Chest a desmostrazion che l servisc che vegn pité é ben de interes soura i confins dla provinzia fora.  
I tolon enscì l'ocajion de splighé l servisc dla assoziazion te na maniera plu menuda. L'ativité à scomencé de dezember dl 1987 a La Ila. L'iniziativa é pieda via da Signour Degan Franz Sottara y da l'Union di Oms da La Ila. Ma determinanc per la realisazion é stés la gran convinzion, la costanza y l coraje de Costante Valentini.



Da enlaouta inant él a La Ila n club di alcolisc' en tratament. Chesta sort de terapia é vegnuda svilupeda dal psicoterapeut Vladimir Hudolin y da si colaboradours.
Al se trata de grups daverc, chest vuel dì che ai ne se scluj nia ite tla anonimité, ma che ai se deura a la comunité con dutes sies problematiches y si bujegns. La familia tol pert a la terapia de grup. 
Ai 3 d'aost 1989 él vegnù daurì ofizialmenter l'Assoziazion di Clubs di Alcolisc' dla Prov. de Bulsan (APCAT-BZ). Tl ann 1990 él vegnù sotscrit na convenzion anter l'assoziazion y la Prov.Autonoma de Bulsan, convenzion che definesc les condizions de colaborazion con l Assessorat a la Sanité dla Jonta Provinziala.
Dai 2 de november 2001 inant é nosta assoziazion scrita ite tla lista dl volentariat, con decret nr. 215 dla Jonta provinziala.

Per l moment esìstel 17 clubs, con zirca 150 families. Zirca l 80% di alcolisc' é stés bogn de lascé de beive y de scomencé na vita nueva.
La finalité di clubs é chela de afronté i problems dl alcol con la colaborazion dl alcolist enstes, de sia familia y  dla comunité. L club é na comunité de 2 - 12 families che s'enconta n iade a l'edema per se daidé un con l auter a afronté dutes les situazions familiares liedes al consum de alcol. Na gran importanza ti végnel dé  a se destò dal  beive bevandes alcoliches y a descuerje na vueia nueva de vive.
 
L sit á doi ponc prinzipai, tl prum giàten informazion soura l'assoziazion, les finalités di club, lista di clubs, novités y en fin na lista de liams liés al problem de alcol.
 
Tl secont pont (problems liés al alcol) végnel dé resposta a n grum de domandes liedes a problems de alcol, p. ej. co vegn pa l autist condizioné dal alcol? Co végnel pa mesuré l alcol tl sanch? Él na mesura segura per jì sun streda? Tant de promile él pa conzedù tla Talia y tl'Europa?
 
L sit internet é da giaté a la miscion  http://www.dipendenza.it o http://www.sucht.it.

Assoziazion di alcolisc' en tratament dla Provinzia de Bulsan


 
Liams emparentés
· Deplú sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: L'assoziazion di clubs di alcolisc' (ponc: 1)
da giatfosch ai 25 February 2003 da les 14:48:29
(Infos sun l utilisadour | Ti mané n messaje privat)
l assessour ladin y l cunsei dl IL sarà i ultims a capí che L.S. funzioneia y va debujegn, me che ai messass ester i prums al capí.



Re: L'assoziazion di clubs di alcolisc' (ponc: 1)
da tomescbornert ai 25 February 2003 da les 14:58:22
(Infos sun l utilisadour | Ti mané n messaje privat)
döt le respet por chesta desmostraziun! Sce zacai peia naota ia, spo nen vegnel defata do d'atri. I sun söl der tru.



Re: L'assoziazion di clubs di alcolisc' (ponc: 1)
da travers ai 25 February 2003 da les 15:55:18
(Infos sun l utilisadour | Ti mané n messaje privat)
La realté é plu asvelta che la burocrazia y la politica; sce Mussner &Co ne met nia averda rìs'cei de se la endormedì via y de perde la ferata.
Chest é n ejempl olà che l standard pò dess vegnì adoré: la comunicazion é adresseda a duta la comunité ladina y i son segur che duc i ladins capesc saurì cie che al vegn scrit. Cie aspeta pa la aministrazion publica a ti fé do?


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.399 seconc