benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Museum ladin de Fascia: program da d'isté 2007
scrit ai 11 July 2007 da les 19:16:58 da noeles

Fascia

Novité 2007:  raida ta Gardecia a conesce l re Laurin 

PROGRAM DA D'ISTÉ DL MUSEUM LADIN DE FASCIA: ENTRATEGNIMENT PER MENDRI Y GRAGN

L museum ladin de Fascia dl Istitut Ladin MdF met ence en chesta outa endò a jì na lignola de de beles manifestazions per i sciors che ruva tla valeda, ma ence chi dl post pò a poura nia se fé permez. La novité dl 2007 é la raida culturala "Sun l troi dles conties" tres la val de Gardecia che peia via a pé dles pizes dl Ciadenac, olàche la contia popolara aciaseia l re Laurin. 



Enfin ai 10 de setember 2007 vegniràl tegnù vigni lunesc da les 10,00 inant tla senta dl museum n dantmesdì de entrategniment per mutons sun l tema "I corec dla Val de Fascia, laboratuere pratich de mineralogia per mutons". Vigni mertesc, da les 17.00 inant enfin ai 28 de aost, végnel metù a jì, tres per mutons dai 5 ai 12 agn la scomenciadiva  "Fé bleita y damat / Gioca e pastrocchia", depierpul che i genitours pò tó pert a na vijita videda tres l museum che vegn tamben ofrida vigni mertesc da les 17.00.  Vigni juebia enfin ai 13 de setember ti végnel spo sport  la poscibelté ai enteressés de conesce valch plu avisa sun la geologia dles Dolomites con laboratuere, na ocajion de aprofondiment dantaldut per cherscius.
La novité dl 2007 é zenzauter la "raida sun l troi dles conties" che  vegn metuda a jì vigni mercui enfin ai 29 de aost. An peia demez da les 09.30 da la senta dl museum a Sen Jan. Al se trata de na raida culturala, dantaldut da ti consié a families con mutons, che conduj ite per la bela val de Gardecia.  L vedl etim/toponim "Gard" é dret deslarié tles valedes ladines y sourafora te n grum de sufissazions:  p.ej. a Lungiarü Gardenata, Gardecia, Gardenacia o Gherdeina y e.i..
La raida ponta via dal museo ladin, olàche al vegnirà bele prejenté i personajes plu emportanc dles conties dla tradizion orala fasciana, spo jiràn deberieda sun Ciampedìe, da olache al peia via "L troi dles conties - a spas con re Laurin", na raida saurida, nia sfadiousa sun n percurs che se confej a duc.
Endana l percurs vegniràl conté 6 liejendes anter les plu beles ambientedes sun l Ciadenac. A la fin dl troi, apede la utia de Gardecia, podarà la jent dezide de jì a ciasa atira o de se archité per passenté valch ora tla natura. Ai 18 de messel y ai 8 de aost tolarà ite la raida l spetacul "La contia de Re Laurin y de sia fia Ladina" che an tegnirà da les 4 domesdì apede la utia de Gardecia. Al se trata de n spetacul per bec y per gragn, per duc chi che vuel conesce plu davejin una dles conties tradizionales plu beles dles Dolomites: l "Rosengarten", oben Ciadenac, che conta de coche al é nasciù l'enrosadira (l rossié da seira), la magia dl florì dl soredl sun i Creps Spavesc. La liejenda vegn conteda per talian da Andrea Brunello y cianteda per ladin da Antonella Tonini, sun mujighes originales dl componidour ladin Luigi Canori y aranjedes per chesta ocajion da Gianfranco Grisi per pice ensemble strumental.


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 3
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.350 seconc