benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Istitut Pedagogich Ladin: 20 agn de ativité
scrit ai 10 July 2007 da les 19:48:30 da noeles

Cultura

Istitut Pedagogich Ladin: 20 agn de ativité

AL À DÉ FORA NA LIGNOLA DE PUBLICAZIONS PER DESCEDÉ L ENTERES DI SCOLÉS Y TI ALESIRÉ L LAOUR AI ENSEGNANC 

N pue tardifs tl dé la notizia, ma l’istituzion, l’Istitut Pedagogich ladin con senta a Bulsan, se merita n pensier. Nasciù tres lege provinziala l ann 1987 con la enciaria de enjigné ca material  per les scoles dles localités ladines tla provinzia da Bulsan y sporje formazion per i ensegnanc. Al tol ite n’équipe de persones, sot a la direzion dl diretour dr. Theodor Rifesser che laora tl chiet y con gran impegn y pascion per daidé fora te vigni vers les direzions dles scoles ladines: da la scolina a les scoles autes.



L majer enteres àn per liejendes y conties ladines - Da na enrescida metuda a jì dal IPL resulteiel che les scoles todesces y talianes vuel savei deplù sun i ladins.

"L ie n bon moment" dij l assessour Mussner - Tres deplù scolés rejona todesch a Urtijei
La confrontazion pò ester na massaria d'utl - I resultac de na gramatica contrastiva é sun meisa

Coscient de sia funzion pedagogica se festidieiel de ti sté do ai ensegnanc con propostes, con brosciures y d'autres publicazions che sie de utl per n ensegnament plu didatich y plu davejin a la mentalité di operadours scolastics, ma souraldut  per arjonje l sentiment y l plajei di scolés. Enfin a sen àn fat scialdi enrescides anter i maestri dla scolina y dla scola elementara per capì miec l debujegn dl material che va plu de uega. Da chilò enfora na lignola de publicazions da mete a desposizion dl personal dles scoles. Enteressant ence l intervent dl Istitut sun l ciamp dla religion con de piceres publicazions graduales tegnan cont dles metodes modernes de prejentazion di prinzips prinzipai dla fede. Da n valgugn agn encà organiseia l Istitut ence cursc de formazion per i maestri, cursc tegnus te Sudtirol ma ence foradecà.  La tematica di cursc é samben chela dla didatica, de sburla a na maiour pascion per l ensegnament, de enrescida sun l svilup y la situazion concreta di scolés. Enjontes formatives che la scola di maestri ne ruva  nia ciamò do a dé. La proa dl suzes de chisc cursc é chela che ai abina tres na maiour partezipazion.  N auter vare inant é chel de na tres maiour colaborazion con  l’Université ledia de Bulsan, dantaldut con chela dla sezion dla formazion con senta a Persenon. L dialogh con la université é destiné a vegnì tres majer y enteressant. L’imprescion ch’an à é chela che tl Istitut laórel na équipe che pensa souraldut a realisé sia funzion statutara: l ben di scolés y  alesiré l laour di ensegnanc. Desche al pèr ne àn nia temp per la politica. (ji)

20 agn Istitut Pedagogich Ladin
 
Ai 30 de jugn, dant avisa 20 agn, é l Istitut Pedagogich Ladin (IPL)  vegnù metù su tres na lege provinziala. I Ladins ne à nia sciche les autres does grupes de rejoneda n „Hinterland“ che pò i sostegnì ti ciamps dla rejoneda y dla didatica. Ence l sistem scolastich plurilingual che les scoles ladines à, se ghira na didatica y materiai didatics aldò. L IPL à laoré dantaldut  tl ciamp di libri de scola y de auter material didatich per scoles y scolines. Ti ultims agn ti à l IPL tamben dé valgamia peis a la didatica entegreda dles rejonedes a na maniera che les rejonedes posse se daidé una con l’autra.
N gran sostegn tres l IPL à giaté les scoles y les scolines tres i programs de formazion y de ajornament che l IPL à metù a jì ann per ann. N gran peis ti àn dé a la poscibelté de ajornament tl ciamp dles rejonedes, olàche an à organisé y sostegnù ence cursc fora dles valedes te zités talianes, todesces y ingleises. Ence tl ciamp dla documentazion y dles enrescides à l Istitut da mostré su de bogn resultac, ajache - ence sce la cumpeida di colaboradours dl Istitut é do rata pice - se àn embasté l am de dé fora te chisc 20 agn la bela cumpeida de passa 100 publicazions. 
Da canche al é vegnù metù su l’université a Persenon ciala l IPL de avei na bona colaborazion con la Facolté de Scienzes dla Formazion che enjigna ca encuei al ert da maester per les scoles ladines. L diretour dl IPL é ence dirijent dla repartizion ladina universitara a Persenon, che à giaté da puech na catedra de ladinistica, corida dal prof. Paul Videsott, che fej ence pert dl diretuere dl IPL. Chest liam dopl garantesc la medema vijion tla formazion  dles studentes y n pont de veduda valif tles metodologies dl ensegnament.

 Istitut Pedagogich Ladin (IPL) 



 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.421 seconc